ZEREMIAH 43:11 - Mara Bible RV (BSI)

¹¹ Nebukaneza cha a vaw liepa ta Izi a dyuh aw ta, potlana ta thi awpa ta raopazy cha potlana lâ hlâ aw ta, seichâna lâ sie awpa ta raopazy seichâna lâ hlâ aw ta, zaozi ta thi awpa ta raopazy cha zaozi lâ a hlâ aw ei.

ZEREMIAH 43:11 ပူးပေါင်းရင်းမြစ်များ

ZAWBÂ 20:29

Cha cha chyhsa moleipa châta Khazohpa tawhta a tovyuh châ ta, A ryuto châta Khazohpa raopa a châ,” tah ta.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 25:19

Izi bei Phiraoh, a chakaotuhpazy, a beimachâzy, a phopi zydua

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 44:13

Zerusale ei hriepa hawhna khata, Izi râh liata a pahrâpazy cha, zaozi nata chakâhna nata potlana ta ei hrie aw ei.

EZEKIA 29:11

Chyhsapa phei ta tly beih khao leipa aw ta, sazy phei ta chapia beih khao aw vei. Kô sypalih chhôh chyhsapa pahrâ leina râh a châ aw.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

ZEKARIA 11:9

Chavâta mietakuzy hnohta, “Cha vaih khao aw veih ei na. A thi awpa cha thi ei sala, a lei awpa lei ei sala, ahrohpazy cha âmo nata âmo ta ama sa a nie mawh ei sy,” tah na ta.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.