ZEREMIAH 43:10 - Mara Bible RV (BSI)

¹⁰ Chatawhcha ama hnohta hetana heta na chho aw ei: ‘Pheisaihzy Abeipa, Izarei Khazohpa ta hetana heta a tah: Pachâ teh u, nâ chakaotuhpa Babylaw bei Nebukaneza a vaw chhi aw na ta, alô ei pabupazy chô liana heta a beidyuchhai patyuh aw na ta, ano ta a chô liata abei poh o a parai aw.

ZEREMIAH 43:10 ပူးပေါင်းရင်းမြစ်များ

1 ABEIZY 20:12

Cha bie cha Benhadâ ta abeizy nata byureih liata sahma a do ngâ nota thei ta, a chyhsazy hnohta, “A dyuh awpa ta a pachyh teh u,” tah ta. Khihpi a dyuh awpa ta a pachyh ei ta.

1 ABEIZY 20:16

Nohchhô locho nota pua ei ta. Benhadâ nata ano a baotuhpa bei sythôh nata pano zy cha byureih liata parina taihta sahma vaw doh ngâ kaw ei ta.

HLAZY 18:11

Zohna cha ano chhiehruh awpa ta tao ta, A chheipâh zydua khu awpa ta taopa ta, Vâ meihdo zohpazy a tao.

HLAZY 27:5

Nôpona noh liata a o liata na nyu aw ta, A poh o ta na chhôhkhâhpa ta, Lôpanô chô liata eina patyu aw.

HLAZY 31:20

Chyhsazy teina tawhta amâ boh thei nawpa ta, Âmo cha na yna liata nyu chi ta; Bie ei chahrapazy paleih tawhta amâ boh thei nawpa ta, Na byureih liata na nyu ei.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ISAI 45:1

Abeipa ta Kôresâ hnohta hetana heta a tah: “Na hmiakô liata phopizy panawhpa ta ypa ta, Beizy chaisaih pathlâpa ta y sala, Chhikaozy khawpa a châ lei nawpa ta, Na hmiakô liata ochhizy pahy awpa ta, Na ku chachâh lâ cha patu na ta, Sathaw ei cha thupa na châ.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 43:9

“Alô laipazy la la, Zudâh chyhsazy mohmô lia tlai ta, leiraopa ta paraihpa, Tâpahe liata Phiraoh abei o lâ angiana lâpi liata kei pabu mah y.

ZEREMIAH 46:13

He he Babylaw bei Nebukaneza a vy aw ta, Izi râh â dyuh awpa kyh Abeipa ta hrohsopa Zeremiah hnohta a reipa a châ:

ZEREMIAH 49:38

Elâmi râh liata ei beidyuchhai patyuh aw na ta, ama beizy nata ama beimachâzy ei pahleipadia khai aw ei,” Abeipa ta a tah.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.