ZEREMIAH 43:1 - Mara Bible RV (BSI)

¹ Zudâh laibâhpazy hnohta bie reih awpa ta, Abeipa ama Khazohpa ta Zeremiah cha âmo lâ tuah ta. Abeipa ama Khazohpa bie zydua cha Zeremiah ta zawpi zydua hnohta a reih khai nahta,

ZEREMIAH 43:1 ပူးပေါင်းရင်းမြစ်များ

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

PUASAINA 24:3

Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:7

Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 26:8

Abeipa ta zawpi zydua hnohta rei awpa ta bie a piepazy cha Zeremiah ta a rei khaih nahta, theihthaipazy, hrohsopazy nata zawpi zydua ta Zeremiah cha patu ei ta, a hnohta, “Na thi awpa a châ!

ZEREMIAH 42:21

Abeipa bie cha tanoh nama hnohta phuah na ta, châhrasala Abeipa nama Khazohpa ta nâmo chho awpa ta eina tuapa bie khâpa hmah zyh veih ei chi.

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 51:63

He châbu he na rei khai nahta, alô nata chahry pâ la, Ufrâti chavah liah liata thy la,

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 5:20

“Vawh u la, Achhyna o liata a kei duah u la, he hrona bie zydua he, zawpi hnohta kei chho teh u,” tah ta.

1 SAMUELA 8:10

Samuela ta Abeipa bie zydua cha, a hnohta bei a hiahtuhpa Izarei phopi cha chho ta.