ZEREMIAH 42:21 - Mara Bible RV (BSI)

²¹ Abeipa bie cha tanoh nama hnohta phuah na ta, châhrasala Abeipa nama Khazohpa ta nâmo chho awpa ta eina tuapa bie khâpa hmah zyh veih ei chi.

ZEREMIAH 42:21 ပူးပေါင်းရင်းမြစ်များ

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

ZEREMIAH 43:1

Zudâh laibâhpazy hnohta bie reih awpa ta, Abeipa ama Khazohpa ta Zeremiah cha âmo lâ tuah ta. Abeipa ama Khazohpa bie zydua cha Zeremiah ta zawpi zydua hnohta a reih khai nahta,

ZEREMIAH 43:4

Chatanachata Zudâh râh liata pahrâ lymâ awpa ta Abeipa bie a vaw tlôpa cha, Kariah sawchapawpa Zôhanâ nata pheisaih hyutuhpa zydua nata zawpi zydua ta zyh khoh leipa ei ta.

ZEREMIAH 43:7

Izi râh lâ cha Abeipa bie zyh leipa ta sie ei ta. Tâpahe khih kei tlô ei ta.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

EZEKIA 33:32

Pachâ teh, âmo châta la, nâ cha ao ngia ngaitapa ta aohraohna hla a sapa nata pyu ngiapa a tô thaipa hawhta na châ. Na bie thei aw ei ta, châhrasala zyh hlei aw veih ei.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

RYHPACHANEINA 29:19

“Cha hawhpa chyhsa ta he biehrai biezy he a thei tita, anosasyh ta a palôh ta byhnâ a awpa aw ta, ‘Ei palôh chhorupa lâpi a chhih hraw sah la, ei boh thlâh ha aw,’ tahpa ta pachâ aw ta, cha chata khihti phana râh chhao, râhchawhpa chhao, raona a tlôkhei aw.

RYHPACHANEINA 30:15

“Pachâ tua u, tanoh he nama hmiakô liata hrona nata phana, thina nata raona soh na ta.

RYHPACHANEINA 30:19

Nama hmiakô liata hrona nata thina soh na ta, byhnâ nata chhiesana ei soh tahpa pahnokheituhpa châta tanoh he avâ nata alei ei aw ei. Hrona a tlyh u la, chatanachata nâmo nata nama chipathlazy nama hroh aw.