ZEREMIAH 42:20 - Mara Bible RV (BSI)

²⁰ Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

ZEREMIAH 42:20 ပူးပေါင်းရင်းမြစ်များ

HLAZY 18:44

Ei bie ama theipa nahta ei rei a ngiah ei ta, Chihropazy ta ei ry amâ vaw daoh.

HLAZY 65:3

Moleina ta miah a pahnie tita, Eima paraonazy vâta chatlaina miah na taopa tyh.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEREMIAH 37:3

Bei Zedekia ta Selemiah sawchapawpa Zehukâ nata Mâsei sawchapawpa theihthaipa Zephania cha hrohsopa Zeremiah lâ tuah ta, a hnohta, “Ngiachhiepa ta Abeipa eima Khazohpa lâ thlah miah chhâpa mah y,” tahpa ta kei pachhosa ta.

ZEREMIAH 38:14

Bei Zedekia ta hrohsopa Zere­miah cha paawsa ta, Abeipa Achhyna o lâ angiana miathôhna liata a tyh ta. Abei ta Zeremiah hnohta, “Hmo miakha cha hiahri aw na ta, khâpa hmah na phih khah y,” tah ta.

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

ZEREMIAH 42:5

Âmo ta Zeremiah hnohta, “Abeipa na Khazohpa ta miah chho awpa ta a cha tuapa bie zydua hawhta eima tao leipa khiahta cha, Abeipa cha miah padei awpa ta bie a pahnokheituhpa dopa nata ngâchhihpa châ mawh sy.

ZEREMIAH 43:2

Hôsai sawchapawpa Azariah nata Kariah sawchapaw­pa Zôhanâ nata chyhsa a khotlâh kawpa zydua ta Zeremiah hnohta, “Haipa bie na reipa a châ. Abeipa eima Khazohpa ta, ‘Izi râh liata pahrâ awpa ta nama sie awpa châ vei,’ tahpa bie reih awpa ta cha vaw tuah vei.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MALUHREINA 16:38

Ama hrona pahleina taihta a moleipa chyhsazy ropahâhpa raona biebuh châ ta, maisâh khuna châta a phiapa ta daihpa châ mawh sy. Abeipa hmiakô liata hlâ hapa a châpa vâta, pathaihpa ama vaw châ haw. Cha cha Izarei sawzy châta ngiana a châ aw,” tah ta.

MALUHREINA 17:3

Livai chi chôchahrei liata Arawna moh na roh aw. Cha hawhna chata chi chhituhpazy châta chôchahrei miakha chyu a y aw.

MATHAI 22:35

Ama hry liata dâhthaipa pakha ta ano pasia nawpa ta bie miakha hiahri ta.

KALATIA 6:7

Dôpa ta y khah u. Khazohpa cha pasipasawh awpa rimâ châ vei. Chyhsa ta chi a tupa maih, cha tlai cha a hria aw.

ZÂMIE 1:22

Nâmosasyh ta a dôveipa ta, bie nathlietuhpa dei châ leipa ta, bie zyhtuhpa tlao châ muh vy.