ZEREMIAH 42:2 - Mara Bible RV (BSI)

² hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

ZEREMIAH 42:2 ပူးပေါင်းရင်းမြစ်များ

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

HLAZY 119:170

Ei hiana he na kô vaw tlô sala, Na bie hawhta na pachha mah y.

PUASAINA 8:28

Phiraoh ta, “Râhchawhpa liata Abeipa nama Khazohpa lâta namâ theih thei nawpa ta, cha pasiesa aw ei na ta, lâ hlapi taih deikua nama sie awpa châ vei, na hiapa teh u,” tah ta.

PUASAINA 9:28

Abeipa lâ hiah teh u. Khazohpa tôkalôhpa nata pareihzy he â daih ha bâ na. Ei cha pasiesa bâ aw ei, y khao aw veih ei chi,” tah ta.

ISAI 1:15

Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ZEREMIAH 15:11

Abeipa ta hetana heta einâ chhy: “Hmo phapa châta Izarei laibâhpa chi cha ei cha pachha tlai aw. Chatanachata na chariahpazy cha, chhiena daihti nata nôpona daihti liata âmo châta thlahchhâ awpa ta, nâma liata châ hia awpa ta ei tao aw ei.

ZEREMIAH 2:27

Âmo cha tho hnohta, ‘Ei paw na châ,’ a tahpazy châ ei ta, Alô hnohta, ‘Nâ satuhpa na châ,’ a tahpazy ama châ. Hmia na chhy leipa ei ta, Ama hnôh tlao eina chhy ha ei. Ama nôpona daihti a vaw tlô nahta deikua cha, ‘Thyu la, miah pachha teh!’ ama tah tyh.

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 37:20

Hy ei zibeipa abei y, tahmâ na nathlie awpa ta ei châ haw. Ei hawna nawhpa he na hmiakô liata rie vaw tlô sala, chârohtuhpa Zawnathâ o lâ rie na paphao pakhua khah y. Chataleipatala cha liata ei thi pathlei aw na,” tah ta.

ZEREMIAH 37:3

Bei Zedekia ta Selemiah sawchapawpa Zehukâ nata Mâsei sawchapawpa theihthaipa Zephania cha hrohsopa Zeremiah lâ tuah ta, a hnohta, “Ngiachhiepa ta Abeipa eima Khazohpa lâ thlah miah chhâpa mah y,” tahpa ta kei pachhosa ta.

ZEREMIAH 38:14

Bei Zedekia ta hrohsopa Zere­miah cha paawsa ta, Abeipa Achhyna o lâ angiana miathôhna liata a tyh ta. Abei ta Zeremiah hnohta, “Hmo miakha cha hiahri aw na ta, khâpa hmah na phih khah y,” tah ta.

ZEREMIAH 40:15

Kariah sawchapawpa Zôhanâ ta Kedaliah cha Mizpâ liata arulâta bie chho ta, a hnohta, “Sie aw na ta, Nethaniah sawchapawpa Ismela he ei kei thie ha aw. Ahy hmahta pahno aw veih ei. Khazia na hrona a la aw tly? Cha hawhta châ mawh sala, nâma châ bylyupa Zu chyhsa zydua pai khai aw ei ta, Zudâh laibâhpazy ama leidia khai aw mâh tâh,” tah ta.

ZEREMIAH 42:20

Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

EZEKIA 12:16

Châhrasala ama hry tawhta a chyhta zaozi pakhôkhâhsa aw ei na ta, chakâhna nata potlana ei pakhôkhâhsa aw ei. Chatanachata ama siena phopizy hry liata ama y nota, hmo pasichhihpa ama taopazy a thei aw ei ta, Abeipa ei châ tahpa ama pahno aw,” tah ta.

HÔSIA 8:10

Phopizy hry tawhta viasazy chalei hra ei sala, Thlai ei pahmaohpakhy aw ei. Bei laipa hnohta pie awpa râhpaw phaohri vâta, Bei nata beimachâzy riethei taopa ta ama y aw.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

AMÔSÂ 7:2

Râh liata sibiepa cha khawsuzy ta ama nie khai nahta, “Hy Abeipa Zehôvâh, rie a ngiahthai mah y! Zakaw cha chyhta tlôh ta, Kheihta ma â duah thei aw?” tah na ta.

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

HMOTAOPAZY 8:24

Saimaw ta a chhy ta, “Nama bie reipa cha khâpa hmah ei chô liata a tlô lei nawpa ta, Abeipa lâ thlah na chhâpa teh u,” tah ta.

RYHPACHANEINA 28:62

Abeipa nama Khazohpa ao nama nathlie leipa vâta, avâ liata awhsi zie a châ tyhpa ei chi kha, a chyhta dei nama y aw.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.

1 SAMUELA 7:8

Izarei sawzy ta Samuela hnohta, “Philistinâ mo ku tawhta miah pachha awpa ta, Abeipa eima Khazohpa lâta bâh leipa ta thlah miah chhâpa teh,” tah ei ta.