ZEREMIAH 42:18 - Mara Bible RV (BSI)

¹⁸ “Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

ZEREMIAH 42:18 ပူးပေါင်းရင်းမြစ်များ

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

ISAI 30:3

Chavâta Phiraoh thatlôna cha, Nama nozana châ aw ta; Namâ nyuna Izi nohpahlipa cha, Nama nohzaona a châ aw.

ISAI 65:15

Nama moh cha ei tlyhpazy chô liata Chhiesana châta siesai aw ei chi ta, Abeipa Zehôvâh ta a cha thie aw ei. A chakaotuhpazy deikua cha, Moh hropa a bie aw ei.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 22:27

Kua heih awpa ta nama vâ ngaita awpa râh lâ he vaw kua khao aw veih ei chi.”

ZEREMIAH 23:40

Chatanachata chhâzaw reipachhiena nata kôzaw maophyuhna my thei leipa cha nama chô liata ei vaw patlôsa aw.”

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 29:22

Âmo vâna chata, Babylaw râ liata sei ta â tâhpa Zudâh mo zydua ta, ‘Babylaw bei ta mei ta a raopa Zedekia nata Ahabâ hawhna khata Abeipa ta na chô liata tao mawh sy,’ tahpa bie he chhiesana châta ama hmâh tyh aw.

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

CHAPHÔHTUNA 2:6

A byureih cha sadô ruapa hawhta parua ta, A poh o a parao haw; Abeipa ta Zaio cha, Kyhchhi nata Pahânoh zy pamysa ta; A ruchhôna ru ngaitapa ta Abei nata theihthaipa zy a thy ha ei.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 20:34

Phopizy hry tawhta châ chhi papua aw ei na ta, hiepatlapa ta nama yna râhzy tawhtapa cha ku thatlôpa nata bâh pazawhpa nata hiehâhna patlaipa ta ei cha pakhy aw ei.

EZEKIA 22:22

Patina mei liata tâkâ patipa hawhta, nâmo chhao cha lia liata patipa châ aw ei chi ta, kei Abeipa heta ei pathiiana nama chô liata ei cha leih thlu ei tahpa nama pahno aw,” tah ta.

DÂNIAH 9:11

Izarei zydua ta na ryhpa parao ei ta, tleisai ei ta, na ao nathlie khoh veih ei. Chavâta châ chakaotuhpa Mawsi Ryhpa liata chhiesana nata bietai zy kha eima chô liata patlai thlupa ta eima y ha hih. Abeipa chô liata na eima vaw molei haw tlai.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

HÔSIA 7:16

Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

MALUHREINA 5:27

Ti a padosa khai tawhta hetana heta a vaw y aw: A papuapaleipa ta, a vahpa châta ngâchhih leipa ta a y ha tlai khiahta cha, chhiesana a patlôsapa ti cha a chhôh lâ a ngia aw ta, thata vaw pasa aw ta, a py vaw thloh aw ta, a byhpi a vaw zaoh aw. Chatanachata chanô cha a phopi hry liata chhiesapa ta a y aw.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.