ZEREMIAH 41:9 - Mara Bible RV (BSI)

⁹ Kedaliah a thiena liata Ismela ta a thie pâpazy ri a thyna cha, Bei Âsâ ta Izarei bei Bâsâ tawhta a vaih nawpa ta a chaopa khaohtlô châ ta, khaohtlô lai ngaitapa a châ. Nethaniah sawchapawpa Ismela ta khaohtlô cha athipa rizy ta a pabie haw.

ZEREMIAH 41:9 ပူးပေါင်းရင်းမြစ်များ

2 SAMUELA 17:9

Pachâ tua, tahmâ chhao he khataih khaohtlô liata tlyma, khataih su liata tlyma, â nyu ha bâ aw. Âmo ta na chyhsazy tlao a vaw dyuh tua aw ei ta, zawpi ama pao hôlô khiahta cha, a theipa maihta, ‘Absalaw a zituhpazy thata ama thie,’ tah aw ei ta,

ISAI 14:19

Nâ deikua cha tho chiah raohpa ama thypa hawhta, Na thlâ tawhta lâhlapi lâta thypa na châ. Zaozi ta a chô pahliepa athihpazy cha poh ta a bu chi ta, Alô khaohtlô liata thypa na châ; Athihpa rizy ta ama phei ta ama cha tlypâ.

HEBRAI 11:38

Chazy châta la, khizaw he yna tlâh châ vei. Râhchawhpa liatazy, tlâh liatazy, lôpu nata khaohtlô liatazy viavipa ta ama y.

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.

1 SAMUELA 14:11

Ama pano ta Philistinâ pheisaihzy cha a kaw pahmôsa ei ta. Philistinâ mo ta, “Moh tua u, Hebrai mo amâ nyuna khaohtlô tawhta ama vaw pua huh,” tah ei ta.

1 SAMUELA 14:22

Cha hawhna hra chata Epharai tlâh râh liata a nyupa Izarei chyhsa zydua chhao ta, Philistinâ mo amâ râpai hapa thâtih ama thei nahta, âmo chhao adyuhna liata a hlao hrapa ta Philistinâ mo cha thata a chadai hra ei ta.

1 SAMUELA 24:3

Lâpi kiapâh liata mietaku sadô kei tlô ta, cha liata lôpu y ta, Sawla cha lyupâh pua awpa ta a kei ngia ta. Dâvi nata a chyhsazy cha lôpu chhôh chaipa liata a tyuh thlâh ha ei ta.