ZEREMIAH 41:2 - Mara Bible RV (BSI)

² Nethaniah sawchapawpa Ismela cha a chyhsa a chhipa pahrawhzy chhaota thyu ei ta, Sâphâ sawchapawpa Ahikâ sawcha­pawpa, Babylaw bei ta râhvaotuhpa ta a taopa Kedaliah cha zaozi ta thie ha ei ta.

ZEREMIAH 41:2 ပူးပေါင်းရင်းမြစ်များ

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 ABEIZY 25:25

Châhrasala thla sarina liata, bei pathla Elisâmâ sawchapawpa Nethaniah sawchapawpa Ismela cha, chyhsa pahrawh chhaota a vy ta, Kedaliah cha a dyuh ta, ano nata Zuzy nata Kaldia chyhsa a hnohta a ypazy chhao Mizpâ liata a thie khai ha ei.

HLAZY 109:5

Hmo phapa cha hmo chhiepa ta na thô ei ta, Ei kyhpachâna ahaona ta eina thô ei.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

ZEREMIAH 40:14

a hnohta, “Nethaniah sawcha­pawpa Ismela he, na hrona la awpa ta, Amawna bei Bâlisi ta a vaw tuapa a châpa na pahno ma?” tah ei ta. Châhrasala Ahikâ sawchapawpa Kedaliah ta zo leipa ta.

ZEREMIAH 40:16

Châhrasala Ahikâ sawchapawpa Kedaliah ta Kariah sawcha­pawpa Zôhanâ hnohta, “Cha hmo cha na tao awpa châ vei, Ismela thâtih na reipa cha a do vei,” tah ha ta.

ZEREMIAH 40:5

Na kua awpa khiahta cha, Babylaw bei ta Zudâh khihpizy chô liata ryureituhpa ta a raopa Sâphâ sawchapawpa Ahikâ sawchapawpa Kedaliah lâ kua la, a hnohta râhsawzy hry liata kei pahrâ mah y. Cha su lâ kua awpa na khoh vei khiahta cha, pha na tahna lâ maih sie mah y,” tah ta. Chatanachata pheisaih hyutuhpa ta Zeremiah cha nie awpa nata kuhria pie ta, pasiesa ha ta.

ZEREMIAH 40:7

Babylaw bei ta Ahikâ sawchapawpa Kedaliah cha Zudâh râh ryureituhpa ta tao ta, chapawzy, chanôzy, hawtizy nata Babylaw lâ sei ta a chhi leipa, râh liata sipasa chaipazy cha ano ryureina ry liata soh khai ta. Cha thâtih cha lyurâhpa liata a ypa pheisaih hyutuhpa zydua nata ama pheisaihzy ta ama thei nahta,

ZEREMIAH 40:8

Nethaniah sawchapawpa Ismela, Kariah sawchapawpa Zôhanâ nata Zawnathâ, Tâhume sawchapawpa Seriah, Netôpha khihpa Ephai sawchapawzy nata Mâkâ khihpa sawchapawpa Zezaniah nata ama sahlaozy ta Mizpâ liata a ypa Kedaliah cha a kei hmô ei ta.

ZEREMIAH 41:3

Kedaliah hnohta Mizpâ liata Zu chyhsa a ypa zydua nata cha liata Kaldia pheisaih a ypazy chhao, Ismela ta a thie pâ ha hra ei.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.