ZEREMIAH 40:2 - Mara Bible RV (BSI)

² Pheisaih hyutuhpa ta Zeremiah cha a chhi ta, a hnohta, “Abeipa na Khazohpa ta he chhiena he, he su liata a vaw tlô awpa ta vaw phuah ha ta.

ZEREMIAH 40:2 ပူးပေါင်းရင်းမြစ်များ

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

ZEREMIAH 52:16

Râh chyhsa dyhchhie chaipa thokhazy deikua cha, pheisaih hyutuhpa Nebuzarâdâ ta kre sadô mohôhtuhpa nata leipalietuhpazy châta a siesai ei.

THEIHTHAINA 26:14

“Ei bie nathlie leipa ta, he biepiepa zydua he tao leipa u la,

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.