ZEREMIAH 40:10 - Mara Bible RV (BSI)

¹⁰ Kei he Mizpâ liata pahrâ aw na ta, keimo lâ a zu tyh awpa Kaldia mo hmiakô liata nama vyuhpa ta ei duah lymâ aw. Nâmo deikua cha, kresawhti nata nopi theilâpazy nata sathaw zy pahmaoh u la, nama beihparizy liata pachô u la, khihpi nama lapazy liata pahrâ muh vy,” tah ta.

ZEREMIAH 40:10 ပူးပေါင်းရင်းမြစ်များ

2 SAMUELA 16:1

Dâvi cha tlâh laki bâhta a khô nahta, Mephibôse chakaotuhpa Zibâ ta vaw dy ta. Alâ ky padia chiehpa pô nozy cha viahchhâ tlâ za no, kre thei chawhpa sao za kha, nopi theilâpa za kha nata kresawhti ôh kha paphaosapa ta a vy ta.

1 ABEIZY 10:8

Na chyhsazy ama nohlao kaw dia! Na hmiakô liata a duah ta, na sona bie a thei tyhpa châ chakaotuhpazy ama nohlao kaw na!

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

BIESOZY 27:25

Sibiepa raoh ta si panyupa kaw thaopa ta, Tlâhpizy liata âhnalasi pakhypa a châ tita,

ISAI 16:9

Chavâta Sibmâ kre zôh châta, Zaze chana liata kei chhao cha na ta, Hy Hesbaw nata Elialeh, Ei mothlihzy ta ei cha padâ kanieh ei; Na nopi theilâpa nata na sâh hria vâta, Thapha ta a awh tyhpa pyu â chalih haw.

ZEREMIAH 35:19

Pheisaihzy Abeipa, Izarei Khazohpa ta hetana heta a tah: Rekhâ sawchapawpa Zônadâ cha, a pathlazy hry tawhta ei hmiakô liata a duah awpa chyhsa a phahla beih aw vei.”

ZEREMIAH 39:10

Pheisaih hyutuhpa Nebuzarâdâ ta khâpa hmah a hnei leipa chyhsa sipasapa thokhazy cha, Zudâh râh liata siesai ta, kre sadôzy nata lyuzy a pie ei.

ZEREMIAH 40:12

Zu chyhsa zydua cha to papuapa ta ama yna râh zydua tawhta vaw kuapa ta, Zudâh râh Mizpâ liata Kedaliah lâ vaw tlô ei ta. Âmo chhao cha kresawhti nata nopi theilâpa hluhpi pahmaoh hra ei ta.

ZEREMIAH 40:6

Zeremiah cha Ahikâ sawchapawpa Kedaliah yna Mizpâ lâ sie ta, râh liata siesaipa râhsawzy hry liata a hnohta pahrâ ha ta.

ZEREMIAH 43:5

Kariah sawchapawpa Zôhanâ nata phei­saih hyutuhpa zydua ta, Zudâh râh liata pahrâ awpa ta to papuapa ta ama yna râh to tawhta a vaw kuapa Zudâh laibâhpa zydua cha,

ZEREMIAH 48:32

Hy Sibmâ kre zôh y, Zaze khihpi ei chakheipa hlâta ei cha chakhei via na! Na chiahzy tilaipi chô liata a zawh ta, Zaze tilaipi taihta â zawh; Na nopi theilâpazy nata na kre theizy cha, Hraotuhpa ta a tla thlu khai haw.

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

RYHPACHANEINA 1:38

Châ chakaotuhpa Nunâ sawchapawpa Zawsua deikua â ngia aw. Ano kha pasyu mah y. Ano ta râh cha ryu ta Izarei a patosa aw.

RYHPACHANEINA 16:13

“Nama sawhri tawhta nata nama kre saohna khaoh tawhta nama kôveizy nama paly khai nahta, noh sari chhôh byureih kyhchhi nama chay awpa a châ.