ZEREMIAH 4:6 - Mara Bible RV (BSI)

⁶ Zaio lâta ngiana poh chaluah u la, Abohna tluapa ta a râ teh u; Nama nainô sô khah sy, Maw lâ tawhta chhiena vaw patlôsa aw na ta, Chhiena rarôh ypa ei vaw patlôsa aw.

ZEREMIAH 4:6 ပူးပေါင်းရင်းမြစ်များ

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

ZEREMIAH 10:22

Nathlie tua u, bie pathâhpa vaw tlô ta, Maw lâ râh tawhta tyhreihna rarôh ypa a vaw pathâh hai. Zudâh khihpizy roryhrapa ta paysapa ta, Savaizy pahrâna ta tao awpa ta a vaw pathâh.

ZEREMIAH 18:11

Chavâta tahmâ Zudâh râhsawzy nata Zerusale khihsawzy hnohta hetana heta reih teh: ‘Abeipa ta hetana heta a tah, pachâ teh u, nama chô liata chhiena patlôsa a chhuah na ta, chhiena ei patlôsa awpa cha ei patuapalua hai. Chavâta tahmâ chyhsa to nama hrozie pha leipa a heihsai u la, nama hrozie nata nama hmotaopazy a taopathi ha muh vy.’

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 22:7

Châ parao awpazy pachhuahpanoh aw ei na ta, Ama chariah chhaichhi a chaba chyupa ta, Na sidy tho pha chaipazy thlu aw ei ta, Mei liata ama ti aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 50:22

“Râh liata adyuhna pyu y ta, Pahleipadiana rarôh ypa pyu a y!

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

ZEREMIAH 51:27

“Râh liata ngiana poh chaluah u la, Phopizy hry liata chiahmie tô teh u; Ano a dyuh awpa ta khinarâhzy aw u la, Ararâ, Mini nata Askenâ râhzy aw teh u; Ano a dyuh awpa ta pheisaih hyutuhpa rao u la, Khawsu pôpi hawhta hluhpa ta arâzy a chhi teh u.

ZEREMIAH 51:54

“Nathlie tua u, Babylaw tawhta chana ao vaw pua ta, Kaldia râh tawhta raona pyu ru ngaitapa a vaw pua chu!

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 6:22

Abeipa ta hetana heta a tah: “Moh teh u, maw lâ râh tawhta phopi miakha a vy ta, Alei su chhâna tawhta phopi rônahpa a vaw thyu.

EZEKIA 9:1

Chatawhcha Abeipa ta ei nah theina liata, “Khihpi mohôhtuhpazy kha, paraona chhaichhi a chaba khaipa ta, a vaw hnia mawh ei sy,” tahpa ta a paro ngaitapa ta awh ta.

EZEKIA 9:2

Maw lâ a heihpa machhua thokhy chhikao lâ tawhta chyhsa pacharu a vypa hmô ei na ta. Adyuhna chaihrai a chaba chyu ei ta. Ama hry liata pala rih dipa chysia a tobipa ta, a chai liata châti ôh a vaopa a hlao ta. A vaw ngia ei ta, dawh maisâh kiapâh liata a vaw duah ei ta.

ZEPHANIA 1:10

“Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.

ZEKARIA 6:6

Arâ vyhpa talailih kha maw râh lâ sie ta, arâ râhpa talailihzy ta âmo cha pazi ta, arâ peipa a chapaipa talailih cha chho râh lâ a sie,” tahpa ta nâ chhy ta.