ZEREMIAH 4:5 - Mara Bible RV (BSI)

⁵ Zudâh râh liata chhopa ta, Zerusale liata phuah u la, Hetana heta tah teh u: “Râh chhôh zydua liata chiahmie tôpa ta, A paro ngaitapa ta awh u la, ‘A vaw hmaoh u la, Thokhy ta dôhpa khihpizy liata a ngia suh u,’ tah teh u.

ZEREMIAH 4:5 ပူးပေါင်းရင်းမြစ်များ

ISAI 28:19

Tisaih tlôna maihta cha la aw ta, My chareih ta tisaih vaw tlôpa ta, Chhô nah zâ ta vaw tlô aw ta, A bietapa yzie pahnopa a châ tita la, Chi â chhih ngaita aw.

ZEREMIAH 11:2

“He biehrai biezy he thei u la, Zudâh râhsawzy nata Zerusale khihsawzy chho teh u.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 5:20

He thâtih he Zakaw pathlazy liata phuah u la, Zudâh râh liata pathâhsa teh u:

ZEREMIAH 6:1

Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 8:14

Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

ZEREMIAH 9:12

He hmo pahno thai awpa ta a so kawpa chyhsa cha ahy ma a châ tly? Phuah pachhuah awpa ta, ahy hnohta ma Abeipa pakah ta bie â chho tly? Khâpa vâta ma râh he rao khai ha ta, ahy hmahta chapia chahreih lei awpa râhchawhpa hawhta a y ha tly?

EZEKIA 7:14

“Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

ZÔELA 2:1

Zaio liata chiahmie tô u la, Ei tlâh pathaihpa liata Zikyurâna dawh paro teh u. Râhsaw zydua a chalyu mawh ei sy; Abeipa noh cha vaw tlô hai ta, Cha noh cha â hnia haw.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

MALUHREINA 10:2

“Tâkâ chiahmie miano tao teh. Daipa ta tao aw chi ta, zawpi awpakhyna châta nata pasiesana châta na hmâh aw.

MALUHREINA 10:3

Chiahmie cha a miano ta tôpa a châ tita, zawpi zydua cha ahmaohna poh o chhikao kiapâh liata na hmiakô liata amâ vaw pakhy khai awpa a châ.

ZAWSUA 10:20

Zawsua nata Izarei sawzy ta ama chariahzy cha amâ mua khaina taihta thie ei ta. A laibâhpa chyhtazy deikua cha thokhy hneipa khihpizy lâ a râ ei ta.