ZEREMIAH 4:4 - Mara Bible RV (BSI)

⁴ Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

ZEREMIAH 4:4 ပူးပေါင်းရင်းမြစ်များ

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ZEREMIAH 15:14

Ei hiehâhna ta mei patipa châ ta, chhâzaw ta a kâ awpa vâta, na pahno leipa râh liata na chariahpazy chakao awpa ta ei cha tao aw.”

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 23:19

Moh teh u, Abeipa thlihpipa huh! Pathiiana pua ta, Khisô chothyu pua ha ta, Moleipazy luh a chanaoh aw.

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 9:25

“Moh teh u, sapa lia deita ta chopawtaipazy ei hrie nawpa nohzy a vaw tlô hai.

ZEREMIAH 9:26

Izi mo, Zudâh mo, Edômâ mo, Amawna pathlazy, Môabâ mo nata râhchawhpa liata a pahrâpa, ama baih hmi a ngyupazy ei hrie nawpa noh a vaw tlô hai. He phopi zydua he chopawtaileipa châ ei ta, Izarei pathla zydua chhao pathipalôh chopawtaileipa ama châ,” Abeipa ta a tah.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 16:38

Chanô â pheipa pachiapa hawhta cha pachia aw na ta, thisaih a palopa pachiapa hawhta ei cha pachia aw. Chatanachata hiehâhna nata hiatliana thisaih maoh cha na chô liata ei patlôsa aw.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 20:33

“Ei hrona reipa ta ei reih. Ku thatlôpa nata bâh pazawhpa nata hiehâhna patlaipa ta, nama chô liata ryu ei reih aw, Abeipa Zehôvâh ta a tah.

EZEKIA 21:17

Kei chhao ei ku chabaih aw na ta, ei pathiiana a pai ha aw, kei Abeipa ta ei reih haw, tahpa ta na reih aw,” tah ta.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 24:8

Hiehâhna pathyupa ta phuh lana a y thei nawpa ta, thisaih a palopa cha khupa ta a y lei nawpa ta, lôpanô ruapa chô liata ei patlaipa a châ.

EZEKIA 44:7

Chihropa, pathipalôh nata sapa chopawtaileipazy ei supathaihpa liata pangiasapa ta, ei nie awpa thaw nata thisaih eina hlâpa lia ei chi ta, ei Achhyna o nama papuapalei. Pasichhihpa hmo zydua nama taopa thota, ei biehrai nama parao pâ heih.

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

EZEKIA 8:18

Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

AMÔSÂ 5:6

Abeipa tlua u la, Nama hroh aw; Chataleipatala Abeipa cha, Zawsi pathlazy hry liata mei hawhta vaw pua aw ta, Kâ aw ta, a pachhai awpa Bethel liata y aw veih ei.

ZEPHANIA 2:2

Noh taihpa vaw tlô hlâta, Cha noh cha sâh sihpa hawhta â zaw hlâta, Abeipa hiehâhna rupa nama chô liata a tlô hlâta, Abeipa ruchhôna noh nama chô liata a vaw tlô hlâta, A hmaohpakhy teh u.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RYHPACHANEINA 10:16

Chavâta nama pathipalôh chopaw tai u la, chhorupa ta y khao khuh vy.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

RYHPACHANEINA 32:22

Ei hiehâhna ta mei papua ta, Athihkhih a thu chaipazy lâ taih kâ laih ta, Alei nata a kôveizy kâ khai ta, Tlâhpizy abôna chhao a kâ khai haw.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.