ZEREMIAH 4:30 - Mara Bible RV (BSI)

³⁰ Hy nâ, roryhrapa khihpi, Khâpa hmo ma tao nâ chhuah? Poh saihlawpa a bupa ta, Ngôh atobinazy ta a tobi chi ta, Na mozy hlyu na hniapa kha, Khâpa hmo ma tao nâ chhuah? Hraoleipa ta nâ tobipa a châ. Na khopawzy ta cha mohnao pyly ei ta, Na hrona la amâ chhuah pyly.

ZEREMIAH 4:30 ပူးပေါင်းရင်းမြစ်များ

2 ABEIZY 9:30

Zehu cha Zezari khih kei tlô ta, cha thâtih cha Zezebel ta thei ta. A mo kiahzy rôh hnia ta, a luh a tobi ta, opy tawhta vaw moh ta.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

BIESOZY 7:10

Moh teh u, âzuahnô hawhta a tobi ta, Achhuahna a hneipa chanô ta thlai a vaw dy.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 20:6

Cha noh liata, he tilaipi kiah liata a pahrâpazy heta, ‘Moh tua u, eima hnabeiseihna nata Asuria bei tawhta miah pachha awpa ta eimâ râna cha, he hawhta tlâ a châ hih! Kheihta ma eimâ boh thei aw?’ ama tah awh,” tah ta.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ZEREMIAH 13:21

Na viasa châ awpa ta Nâ ta na pachupazy cheingei cha, Na chô liata luhpa ta ama so tita, Kheihta ma na tah aw? Chanô sawzeih pasapa hawhpa Pasana ta cha patu aw vei ma?

ZEREMIAH 22:23

Hy Lebanaw râh liata pahrâ chi ta, Sidy tho hry liata bu a tupa y, Pasana na chô liata vaw tlô aw ta, Chanô sawzeihpa hawhta pasana ta a cha vaw tlô thlu tita, Ngiachhie nâ chhih awpazie rimâ cha!”

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 4:17

Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

EZEKIA 28:13

Khazohpa sadô Idâh liata y chi ta, Lôsôhpa to ta khupa na châ. Sâdi, tôpazi nata lônah zy, Beri, ôni nata zaspi zy, Saphai, emyrâ nata kabuni Lôsôhpazy ta khupa châ chi ta, Ngôh ta tobipa na châ. Taopa na châna noh liata, Cha hawhta pachhuahpanohpa na châ.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

ÔBADIA 1:7

Na viasa zydua ta na râhri taihta cha chadai ei ta, Nâ nata adyhna a taopazy ta Cha dôvei ei ta ama cha pahnie haw. Na viahchhâ a niepazy ta Na ry lâta khoheih cha chôkhâh ei ta, Châhrasala pahno va chi.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

BIEPHUAH 17:13

Palôh miakha phaohpa ta, ama hmotaotheina nata biehneina cha sahrâhpa ama pie aw.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 17:4

Chanô cha poh nohsaihpa nata saihlawpa a bu ta, ngôh nata lôsôhpa nata taikulô ta a tobi ta, a ku liata hmo pasichhihpa nata sihryhna moleina ta a biepa ngôh nyu a chaba ta.