ZEREMIAH 4:25 - Mara Bible RV (BSI)

²⁵ Mohmia pasaih na ta, Chyhsapa y leipa ei ta, Avâ pavaw zydua chhao amâ zaw khai haw.

ZEREMIAH 4:25 ပူးပေါင်းရင်းမြစ်များ

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:9

He hmozy vâna heta âmo cha hrie aw va ei na ma? Cha hawhpa phopi chô liata ei phuh la aw va na ma?” Abeipa ta a tah.

EZEKIA 38:20

Tilaipi ngazy, avâ pavawzy, râh sazy, alei liata âlyhpa sa zydua nata alei chô liata chyhsa zydua ei hmiakô liata amâ chalyu aw. Tlâhpizy pahnaipa châ aw ei ta, lôkâhpazy cho aw ta, thokhy to alei liata a pao aw.

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.