ZEREMIAH 4:20 - Mara Bible RV (BSI)

²⁰ Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 4:20 ပူးပေါင်းရင်းမြစ်များ

HLAZY 42:7

Na tisaozy a aohpa ta, Ti athupa nata ti athupa a awsao ei ta, Na tilyzy nata na tichatlaopazy ta eina vao ei.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

PUASAINA 33:5

A chhâpa cha, Abeipa ta Mawsi hnohta, “Izarei sawzy chho teh, ‘Phopi chhoru ngaitapa nama châ. Chavâta nama hnohta buakhata chhao ei sie hra khiahta cha, ei cha pahleipadia khai thlâh ha aw ei. Tahmâ nama sôhthihzy kha pahluh khai teh u, chatanachata nama chô liata ei tao awpa ei pahno aw,’” a vaw tah hapa vâta a châ.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ISAI 33:20

Zaio cha moh tua u, Kyh eima chhi nawpa khihpi cha! Na mozy ta Zerusale khihpi cha a hmô aw. Cha khihpi cha nôpona y leina khihpi châ aw ta, Pasie thei leipa poh o a châ aw. A tôhzy phiapa châ beih leipa aw ta, Paraina ri kheihawhpa hmahta chhiepa châ aw vei.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 54:2

Na poh o su pakawh la, Na pahrâna poh ozy pakawh teh. A mochhih leipa la, Na chaorizy paseih la, Na poh o tôhzy pa-i mah y.

ZEREMIAH 12:11

Roryhrapa ta tao ha ei ta, ‘Roryhrapa’ tahpa ta mâchhiesana ao ei thei. Râh pôhpalôhpa cha roryhrapa ta taopa châ ta, Châhrasala ahy hmahta pachâ veih ei.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 4:6

Zaio lâta ngiana poh chaluah u la, Abohna tluapa ta a râ teh u; Nama nainô sô khah sy, Maw lâ tawhta chhiena vaw patlôsa aw na ta, Chhiena rarôh ypa ei vaw patlôsa aw.

ZEREMIAH 9:18

A vaw para ei sala miah vaw chakhei mawh ei sy. Chatanachata eima mozy tawhta raithlih loh sala, Eima mo vozy tawhta mothlih loh mawh sy.

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

ZÔELA 1:15

Abeipa Noh a hnia ha ta, Atotaotheipa tawhta chhiena a vaw tlô; Cha noh cha a rarôh y ngaita kaw dia!

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

HABAKU 3:7

Kusi mo poh ozy liata pasataona hmô na ta, Midia mo poh raipa a chalyupa ei hmô.

MALUHREINA 16:21

“Kha zawpi hry tawhna khata a panano teh u, âmo kha thlai ei pahleipadia aw ei,” tah ta.

MALUHREINA 16:45

“Zawpizy he thlai ei pahleipadia aw ei. Chavâta ama hry tawhta a hnei teh u,” tah ta. Chatawhcha Mawsi nata Arawna cha â khu lâta pao ei ta.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.