ZEREMIAH 4:2 - Mara Bible RV (BSI)

² Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

ZEREMIAH 4:2 ပူးပေါင်းရင်းမြစ်များ

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

ISAI 45:23

Ei moh a reipa ta keimasasyh ta bie a taih na ta, Ei pakah tawhta siana ta bie pua ha ta, Vaw kua khao aw vei. Pakhu to ei hmiakô liata paneih aw ei ta, Paleih to ta na pazi awpa ta bie amâ taih aw.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 12:15

Ei phia khai tawhta âmo cha ngiachhie heih aw ei na ta, chyhsa to ama ryuto chyu lâta nata ama râh chyu lâta ei chhi heih aw ei.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

ZEREMIAH 7:5

“Nama hroziezy nata nama hmotaopazy liata a taopathi u la, adona ta a zaokhi raihriepa ta,

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

HÔSIA 2:19

“Chhâzaw châta châ pahawh aw na ta, Siana nata adona ta ei châ pahawh aw; Kyhpachâna ta châ pahawh aw na ta, Ngiachhiena ta ei châ pahawh aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

1 KAWRINI 1:31

Chavâta Biehrai ta a ropa hawhta, “A palaipa maihta Abeipa a palaikhei mawh sy.”

2 KAWRINI 10:17

“A palaipa maihta Abeipa a palaikhei mawh sy.”

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 4:30

Rietheina a tyhpa ta, cha hmo zydua cha nama chô liata a vaw tlô tita, a chhâna liata cha Abeipa nama Khazohpa lâ kua heih aw ei chi ta, a ao nama nathlie aw.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

RUTHI 3:13

Tazâ cha y thlâh ha tua tlai la, mylâ my ta, heinawh hniapa ta na chô liata a tao awpa cha, ano ta a tao khoh khiahta cha a pha, ano ta heinawh hniapa tao awpa cha tao mawh sy. Châhrasala heinawh hniapa tao awpa na chô liata a tao khoh vei khiahta cha, Abeipa hrona reipa ta ei reih, heinawh hniapa tao awpa cha, kei ta na chô liata ei tao aw. Khihdei hlâlei cha a zia thlâh ha mah y,” tah ta.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.