ZEREMIAH 4:19 - Mara Bible RV (BSI)

¹⁹ Ei pasa rimâ cha, ei pasa rimâ cha! Ei taikalô pâ ngâ kaw dia! Aw, ei palôh pasa rimâ cha! Ei châh-ao thata a chalyu ta, Y molo thai khao va na. Chiahmie pyu thei na ta, Adyuhna rahaopa pyu ei thei.

ZEREMIAH 4:19 ပူးပေါင်းရင်းမြစ်များ

ÂTHAONA 49:6

Ama ryureina liata ei thlahpa a hlao leipa aw ta, Ama pakhypi liata ei rônahna a hlao aw vei. Hiehâhpa ta chyhsa thie ei ta, Khotlâ ta viahchao tôhpazy ama chhawh.

2 ABEIZY 4:19

A paw hnohta, “Ei luh, ei luh!” tah ta. A paw ta a chakaotuhpa hnohta, “Pi la, a nô lâ vawkhei teh,” tah ta.

2 ABEIZY 8:11

Khazohpa chyhsa ta Hâze cha a kâchhiena taihta a mo tawpâ ta. Chatawhcha Khazohpa chyhsa cha vaw cha ta.

HLAZY 103:1

Hy ei thlahpa, Abeipa cha reithai la, Ei chhôh liata a ypa zydua saih u, A moh pathaihpa cha reithai teh u!

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 119:53

Na ryhpa a heihsaituhpa moleipazy vâta, Ei hie thata a hâh tyh.

HLAZY 146:1

Abeipa cha reithai teh u! Hy ei thlahpa, Abeipa cha reithai mah y!

HLAZY 16:2

Abeipa hnohta, “Ei Zibeipa châ chi ta, Nâma leipa ta la phana rai hnei va na,” ei tah tyh.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ISAI 16:11

Chavâta ei chhôh nata rih zydua cha, Môabâ vâta totâ hawhta paro ta; Kiharese vâta ei chhôhso â rôh.

ISAI 21:3

Chavâta ei chai nata ei zôhzy pasana ta bie ta, Chanô sawzeihpa pasana hawhpa Pasa­na ta eina patu haw. Pasa ei tao tupa vâta, Ei nah ta thei thei khao leipa ta; Ei pachârôh tupa vâta, Ei mo ta hmô thei khao vei.

ISAI 21:4

Ei palôh a tymâ ta, Chichhihna ta eina pahlaw. Zâ vaw tlô awpa ei ngiatiah tyh leipa kha, Kei châta achalyuna lâta a tao haw.

ISAI 22:4

Chavâta hetana heta ei tah: “Ahro lâ nâ heihsai teh u, Raithlih palopa ta thata ei cha aw; Ei phopi zuah raona kyh liata, Thlah na palôh khoh hlei khuh vy.”

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEREMIAH 23:9

He he hrohsopazy kyh a châ: Ei chhôhso palôh keichheih ta, Ei rupa zydua â chalyu; Abeipa vâta nata a bie pathaihpa vâta, A paripa hawhta châ na ta, Kresawhti ta a pahniepa chyhsa hawhta ei châ.

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 4:5

Zudâh râh liata chhopa ta, Zerusale liata phuah u la, Hetana heta tah teh u: “Râh chhôh zydua liata chiahmie tôpa ta, A paro ngaitapa ta awh u la, ‘A vaw hmaoh u la, Thokhy ta dôhpa khihpizy liata a ngia suh u,’ tah teh u.

ZEREMIAH 42:14

‘He râh liata pahrâ aw ma pi, adyuhna eima hmô lei nawpa râh, chiahmie pyu chhao thei leipa ta, nie awpa hnei leipa ta nodipa ta eima y lei nawpa Izi râh lâ tlao sie aw pi ta, cha liata eima pahrâ aw,’ nama tah khiahta deikua cha,

ZEREMIAH 49:2

Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

ZEREMIAH 50:22

“Râh liata adyuhna pyu y ta, Pahleipadiana rarôh ypa pyu a y!

ZEREMIAH 6:24

Cha kyh liata bie pathâhpa thei pi ta, Eima bâhtha a tlo khai haw; Nôpona ta miah patu ta, Chanô sawzeih pasapa tlu ta pasana ta miah a patu haw.

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

ZEREMIAH 8:21

Ei phopi zuah hmahphaona liata Keima palôh chhao hmahphaopa ta a y; Mâchhiesapa ta y na ta, Thlazohna ta eina patu haw.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:20

“Hy Abeipa, moh tua, nôpopa ta y na ta, Ei chhôh a zoh khai haw; Ei chhoruna vâta, Ei palôh â tymâ khai haw. Zaozi ta hawtizy khiliah liata thie ta, O chhôh liata chhao thina hawhta a châ.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 7:15

“Kei, Dâniah cha ei pôhpa chhôh liata ei thlahpa a pachârôh ngaita ta, ei luh liata aluahnazy ta na patypamâ kaw ta.

DÂNIAH 7:28

“Kha kha hmo chhâna cha a châ. Kei, Dâniah cha, ei pachâpazy chata thata na patypamâ ta, ei hmia hlâh khai ha ta, châhrasala cha hmo cha ei palôh liata a vao thlâh ha na ta.”

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MALUHREINA 10:9

Nama râh liata khakhaipa châ tlybaipazy a dyuh awpa ta nama sie tita, zikyurâna chiahmiezy nama tô awpa a châ. Chatanachata Abeipa nama Khazohpa hmiakô liata a thei thlâh hapa ta y aw ei chi ta, nama khakhaipazy tawhta pachhapa nama châ aw.

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.

1 KAWRINI 14:8

Chiahmie chhao he chybia hnei leipa ta a paro khiahta cha, ahy ma a dyuh awpa ta a mâ aw?

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

RYUREITUHPAZY 5:21

Kisaw tily ta âmo cha phaoh ta, Chavah hlôpa, Kisaw tily ta a phaoh ha ei. Hy ei thlahpa, sie la, Thatlôpa ta sie lymâ mah y.