ZEREMIAH 4:16 - Mara Bible RV (BSI)

¹⁶ Phopizy zikyu a râ u la, Zerusale liata phuah teh u. Dôhtuhpazy râh hlapi tawhta vaw tlô ei ta, A pahôpahâhpa ta Zudâh khihpizy ama phyh chie.

ZEREMIAH 4:16 ပူးပေါင်းရင်းမြစ်များ

ISAI 34:1

Hy râhzy saih u, thei awpa ta a vaw hnia u la, Phopizy saih u, nathlie teh u! Alei ta thei sala, A chhôh liata a ypa zydua ta thei mawh ei sy; Khizaw ta thei sala, A chhôh tawhta a puapa zydua ta thei mawh ei sy.

ISAI 39:3

Chatawhcha hrohsopa Isai cha Bei Hezekia lâ vawh ta, a hnohta, “Kha chyhsazy kha khâpa bie ma ama reih? Khataih tawhta nâ lâ a vypa ma ama châ?” tah ta. Hezekia ta, “Râh hla ngaitapa, Babylaw râh tawhta kei lâ a vypa ama châ,” tah ta.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

ZEREMIAH 39:1

Zudâh bei Zedekia abeina kô chakina, thla hrawhna liata, Babylaw bei Nebukaneza nata a pheisaih zydua ta Zerusale za siehnao ei ta, khihpi cha dôh ei ta.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 5:15

Hy Izarei pathlazy saih u, Moh teh u, nâmo châ dyuh awpa phopi Lâhlapi tawhta ei vaw chhi aw. Cha phopi cha phopi thatlôpa châ ta, Phopi hlôpa a châ. Ama reih na thei leipa phopi châ ta, Ama bie reipa na pahno leipa phopi a châ,” Abeipa ta a tah.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 6:18

Chavâta Hy phopizy saih u, Nathlie u la; Hy zawpizy saih u, Ama chô liata a tlô awpa pahno teh u.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

ZEREMIAH 6:22

Abeipa ta hetana heta a tah: “Moh teh u, maw lâ râh tawhta phopi miakha a vy ta, Alei su chhâna tawhta phopi rônahpa a vaw thyu.

ZEREMIAH 6:23

Libaw nata asei a chaba ei ta, Zawngiahna a hnei leipa nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta a patlâh ei ta, Hy Zaio sawchanô y, hrâ ama cha vaw siehnao huh!”

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

EZEKIA 21:22

Zerusale châta pachaona cha a chachâh lâta vaw tlô ta, thokhy paraona tao awpa zy, thie awpa ta biepie awpa zy, adyuhna hladyuh pathluah awpa zy, thokhy chhikao paraona tao awpa zy, thokhy parao nawpa ta alei pathlu thlupa ta, khihpi dôhna diahsua chhôh awpa kyh zy a vaw tlô.