ZEREMIAH 39:7 - Mara Bible RV (BSI)

⁷ Zedekia cha a mozy thaoh ta, Babylaw lâ a chhi awpa ta bâliazy ta chahry ta.

ZEREMIAH 39:7 ပူးပေါင်းရင်းမြစ်များ

2 ABEIZY 25:7

Zedekia sawchapawzy cha ama paw mohmô liata thie ei ta, Zedekia chhao a mozy thaoh ei ta, bâliazy ta buh ei ta, Babylaw lâ siekhei ha ei ta.

HLAZY 119:8

Na bieraopazy ei zyh lymâ aw; Na siesai cheita khah y!

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 34:3

A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

ZEREMIAH 44:30

Abeipa ta hetana heta a tah: Zudâh bei Zedekia cha, a hrona la a chhuahpa a chariahpa Babylaw bei Nebukaneza ku liata ei hlâpa hawhna khata, Izi bei Phiraoh Hôpharâ chhao a hrona la a chhuahpa a chariahpazy ku liata ei hlâ aw,” tah ta.

ZEREMIAH 52:11

Zedekia cha a mozy thaoh ta, bâliazy ta buh ta. Babylaw bei ta Zedekia cha Babylaw lâ siekhei ta, a thi noh tlôna taihta patâhna o liata khô ta.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.