ZEREMIAH 39:6 - Mara Bible RV (BSI)

⁶ Babylaw bei ta Zedekia sawchapawzy cha, ama paw mohmô lia tlai ta Riblâ liata thie ta. Babylaw bei ta Zudâh beimachâ zydua­ chhao thie khai ta.

ZEREMIAH 39:6 ပူးပေါင်းရင်းမြစ်များ

ÂTHAONA 21:16

“Hawtipa a thi awpa cha mo ngâh va na,” tah ta, vawh ta, hawtipa tawhta libaw ka phana rakha liata a kei tyuh ta. Hawtipa dady liata a tyuh ta, ao paro ngaitapa ta aoh tlili ta cha ta.

ÂTHAONA 44:34

Hawtipa ei hnohta a sie leipa khiahta cha, kheihta ma ei paw lâ ei khy ngâh aw? Ei paw chô liata chhiena a tlô awpa cha moh ngâh va na,” tah ta.

2 ABEIZY 22:20

Chavâta pachâ teh, châ pathlatuhpazy hnohta cha pahlyh aw na ta, thlalôhpa ta thlâkhaoh a ngia aw chi ta, he su chô liata chhiena ei patlôsa awpa cha, na mo ta hmô aw vei,’ tahpa ta nama chho aw,” tah ta. Cha biezy cha abei lâ tlôkhei ei ta.

2 ABEIZY 25:7

Zedekia sawchapawzy cha ama paw mohmô liata thie ei ta, Zedekia chhao a mozy thaoh ei ta, bâliazy ta buh ei ta, Babylaw lâ siekhei ha ei ta.

2 THÂTIHZYRONA 34:28

Pachâ teh, châ pathlatuhpazy hnohta cha pahlyh aw na ta, thlalôhpa ta thlâkhaoh a ngia aw chi ta, he su nata a chhôh liata a pahrâpazy chô liata chhiena ei patlôsa awpa cha, na mo ta hmô aw vei,’ tahpa ta nama chho aw,” tah ta. Cha biezy cha abei lâ tlôkhei ei ta.

ESTHERI 8:6

Ei chiheih chô liata chhiena a tlôpa hmô aw sah la, kheihta ei tao thei aw? Ei chiheihzy leidiapa hmô aw sah la, kheihta ei tao thei aw?” tah ta.

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 34:12

Bei a châ awpa abei sawzy y leipa aw ei ta, A beimachâzy chhao khâpa hmah châ aw veih ei.

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 34:3

A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

ZEREMIAH 52:10

Babylaw bei ta Zedekia sawchapawzy cha, ama paw mohmô lia tlai ta thie ta, Zudâh beimachâ zydua chhao Riblâ liata a thie khai ha ei.

EZEKIA 23:24

Chariah chhaichhizy, talailihzy, talailih tiaki miapalihpazy nata phopizy tawhta pheisaih hluhpi hmâpa ta ama cha siehnao aw. Vyhphao laipa nata vyhphao chyhpazy a chabapa ta nata lakhuzy a khupa ta su to tawhta cha vaw siehnao aw ei ta, pachia theina ama hnohta pie aw ei na ta, âmo pachiazie hawhta ama cha pachia aw.

EZEKIA 24:5

Sahroh zawzy hry liata a pha chaipa la u la, A ry liata tho hluhpi ti u la, Patlao teh u. A rupazy chhao pachaopa châ mawh sy.

ZEPHANIA 1:8

Abeipa atheihna hlâna noh liata, “Beimachâzy nata abei sawchapawzy hrie aw ei na ta, Chihropa chysia a tobipa zydua ei hrie aw ei.

RYHPACHANEINA 28:34

Nama mo ta a hmôpa hmozy ta a cha pahrusa aw ei.