ZEREMIAH 39:4 - Mara Bible RV (BSI)

⁴ Zudâh bei Zedekia nata pheisaih zydua ta âmo cha ama hmô nahta, a râ ei ta. Thokhy â pathopa mianozy likawh liata a ypa chhikao lâ tawhta a zo ta khihpi cha puasaipa ta, Arabâ lâ pangai ei ta.

ZEREMIAH 39:4 ပူးပေါင်းရင်းမြစ်များ

2 THÂTIHZYRONA 32:5

Hezekia cha a tha a patlô ta. Thokhy a cho hapa zydua taopathi ta, thokhy chô liata o sâhpazy padua ta. Khôtho lâ tawhta thokhy hropa ta patho thlu ta. Dâvi khihpi thokhy chhao pasiepakaopa ta pa-i ta. Chaihraizy nata vyhphaozy hluhpi tao ta.

ISAI 22:11

Tipo parohpa liata ti pa-o nawpa ta, thokhy miano likawh liata tipâh nama tao. Châhrasala chazy a taotuhpa lâ moh tlôh leipa ei chi ta, hlâno tawhta a vaw pachhuapanoh hapa pachâ hra veih ei chi.

ISAI 22:3

Na ryureituhpa zydua hmaohkha ta pua ei ta, Lâhlapi lâ amâ râ khai haw; Na chhôh liata laibâhpa a ypa zydua cha patu ei ta, Libaw rai hmâ leipa ta ama patu khai haw.

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ZEREMIAH 32:4

Zudâh bei Zedekia chhao Kaldia mo ku tawhta pua leipa aw ta, Babylaw bei ku liata hlâpa châ tlai aw ta, Babylaw bei cha hmiachhy ta hmô aw ta bie â chho aw.

ZEREMIAH 32:5

Zedekia cha Babylaw lâ a chhi aw ta, ano ei vaw tly hlâlei cha, cha liata a y thlâh ha aw. Kaldia mo cha a dyuh hra u la, pahnie aw vei ei chi, Abeipa ta a tah.”

EZEKIA 12:12

Chatawhcha ama hry liata abei ta a zoh chhyhma ta a hmo a ngiatlâh liata khaih aw ta, a vaw pua aw. Ama puakhei nawpa ta thokhy khaoh khie aw ei ta, a mokhaoh ta râh a hmô lei nawpa ta, a hmia â khu ha awpa a châ.

EZEKIA 12:4

Seichâna lâ a sie awpa hmo hawh tlai ta, na hmo cha nohchhô sawhvaw ta ama mohmô ta puakhei aw chi ta, nâma pôhpa chhao, seichâna lâ sie awpa hawhta, ama mohmô ta zâlâ ta na pua aw.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:36

Nama hry liata laibâhpazy cha, ama chariahpazy râh liata palôh thazeipa ta ei paysa aw ei. Chhohna raohpa tlapa pyu ta âmo cha a chadai aw ta, zaozi tawhta a râpa hawhta a râpai aw ei ta, ahy ta hmahta amâ chadai leipa chhao ta ama pao aw.

AMÔSÂ 2:14

A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.