ZEREMIAH 39:2 - Mara Bible RV (BSI)

² Zedekia abeina kô hrawh hleikhana, thla palihna, cha thla noh chakina noh ta, khihpi thokhy cha su kha liata pacho thei ha ei ta.

ZEREMIAH 39:2 ပူးပေါင်းရင်းမြစ်များ

ZEREMIAH 1:3

Abeipa bie he Zôsia sawchapawpa Zudâh bei Zehôki â bei daihti liata chhao vaw tlô ta, Zôsia sawchapawpa Zudâh bei Zedekia abeina kô hrawh hleikhana chhâna taihta vaw tlô lymâ ta, thla pangawhna liata Zerusale sei ta â tahna daihti taihta a vaw tlô lymâ.

ZEREMIAH 32:1

He he Zudâh bei Zedekia abeina kô hrawhna liata Zeremiah hnohta Abeipa bie a vaw tlôpa a châ. Cha daihti cha Nebukaneza abeina kô hrawh hleichariena a châ.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 37:8

Kaldia mo vaw kua aw ei ta, khihpi he amâ dyuh aw. Khihpi cha la aw ei ta, mei ta ama rao aw.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

EZEKIA 33:21

Seichâna lâ eima siena kô hrawh hleinona, thla hrawhna, noh pangawhna noh liata, Zerusale tawhta a râpa chyhsa pakha kei lâ a vy ta, “Khihpi a rao haw,” tahpa ta na chho ta.

EZEKIA 4:3

Chatawhcha thua phiapa la la, nâ nata khihpi likawh liata thua thokhy ta chhôh la, cha lâ cha na hmia chhy mah y. Cha hawhna chata khihpi cha dôh aw chi ta, na dôhpa cha na pa-i via lymâ aw. He he Izarei pathlazy châta ngiana a châ aw.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

ZEPHANIA 1:10

“Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.