ZEREMIAH 39:18 - Mara Bible RV (BSI)

¹⁸ Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

ZEREMIAH 39:18 ပူးပေါင်းရင်းမြစ်များ

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

ZAWBÂ 5:20

Chakâh nota thina tawhta cha pachha aw ta, Adyuhna liata zaozi hmotaotheina tawhta a cha pachha aw.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 34:22

Abeipa ta ano a chakaotuhpazy hrona cha chatlai tyh ta, Ano a chhaituhpazy cha ahy hmah thailei pachâsapa châ aw veih ei.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 84:12

Hy Pheisaihzy Abeipa, Nâma châ ngâtuhpa cha a nohlao na!

HLAZY 91:7

Na kâ lâta sâh kha pao aw ei ta, Na chachâh lâta thy kha ama pao aw; Nâ deikua châ hnia aw veih ei.

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 38:2

“Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

RAWMA 2:12

Ryhpa hnei leipa ta hmo a paraopazy cha, ryhpa leipa ta leidia aw ei ta; ryhpa hneina chôta hmo a paraopazy cha, ryhpa ta pachiapa ama châ aw.

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.