ZEREMIAH 39:16 - Mara Bible RV (BSI)

¹⁶ “Vawh la, Kusi chyhsa Ebemele hnohta, ‘Pheisaihzy Abeipa, Izarei Khazohpa ta hetana heta a tah: Pachâ teh, he khihpi kyh ei reipazy kha, phana lâ châ leipa ta, chhiena lâta vaw patlôsa aw na ta, cha noh liata nâma hmiakô liata tlai ta patlôsapa a châ aw.

ZEREMIAH 39:16 ပူးပေါင်းရင်းမြစ်များ

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

HLAZY 92:11

Ei chariahpazy paopa ei mo ta hmô ta, Nâ thyuhnaopa moleipazy paopa chhao, Ei nah ta a thei haw.

ZEREMIAH 26:15

Eina thie khiah ei chi ta cha, thaileina a hnei leipa thisaih cha, nâmo nata he khihpi nata a khihsawzy chô liata nama patlôsa aw tahpa deikua a siapa ta pahno muh vy. Abeipa ta na ngâ ta, he bie zydua he nama nah theina liata reih awpa ta eina tuapa châ tlôh ta,” tah ta.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

ZEREMIAH 26:20

Mohropa pakha Abeipa moh ta hrohsona bie a phuahpa y hra ta. Ano cha Kiriaziari chyhsa Semiah sawchapawpa Uria kha a châ. Zeremiah bie reipazy hawhta, he khihpi nata he râh rao nawpa kyh hrohsona bie phuah ta.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 35:17

Chavâta Abeipa, Khazohpa Atotaotheipa, Izarei Khazohpa ta hetana heta a tah: Pachâ teh, Zudâh nata Zerusale khihsawzy cha, ama hnohta bie reih na ta, nathlie leipa ei ta, aw ei na ta eina chyh-ei leipa vâ ei ta, ama chô liata chhiena patlôsa awpa ei phuahpa zydua kha, ama chô liata ei patlôsa aw,” tah ta.

ZEREMIAH 36:31

Ama paraona vâta, ano nata a chipathlazy nata a chakaotuhpazy ei hrie aw ei. Ama chô liata chhiena patlôsa awpa ta phuah na ta, châhrasala ama nathlie khoh leipa zydua kha, âmo nata Zerusale khihsawzy nata Zudâh râhsawzy chô liata ei vaw patlôsa aw.’”

ZEREMIAH 40:3

A reipa hawh tlai ta, Abeipa ta tao ta, chhiena cha nama chô liata a vaw patlôsa ha hih. Abeipa chô liata hmo parao ei chi ta, a bie nama zyh leipa vâta, he hmo he nama chô liata a vaw tlôpa a châ.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

ZEREMIAH 5:14

Chavâta Zehôvâh, Pheisaihzy Khazohpa ta hetana heta a tah: “Cha hawpa bie cha ama reipa vâta, Pachâh teh, ei biezy cha na pakah liata mei pachâsapa ta, He phopi he tho pachâsa aw ei na ta, Mei ta a kâ khai aw ei.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

AMÔSÂ 9:4

Ama chariahpazy hmia lâta sei ta sie hra ei sala, Cha liata zaozi biepie aw na ta, Âmo cha ei thie aw ei; Phana lâ châ leipa ta, Chhiena lâta ei mo ei tawpâ aw ei.”

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

MATHAI 24:35

Lei nata vâ a lei aw, ei biezy deikua lei aw vei.