ZEREMIAH 39:14 - Mara Bible RV (BSI)

¹⁴ chyhsa tuah ei ta, Zeremiah cha vaituhpazy dôhpachhôh tlyhmia tawhta a vaw chhi ei ta. Sâphâ sawchapawpa Ahikâ sawchapawpa Kedaliah cha, a o la Zeremiah a chhi awpa ta maophaohna pie ei ta. Chatanachata Zeremiah cha râhsawzy hry liata pahrâ ha ta.

ZEREMIAH 39:14 ပူးပေါင်းရင်းမြစ်များ

2 ABEIZY 22:12

Abei ta theihthaipa Hikia, Sâphâ sawchapawpa Ahikâ, Mikai sawchapawpa Akabaw, chârohtuhpa Sâphâ nata abei chakaotuhpa Asiah zy hnohta,

2 ABEIZY 22:14

Chatanachata theihthaipa Hikia, Ahikâ, Akabaw, Sâphâ nata Asiah zy cha chysia sona mohôhtuhpa Harhâ sawchapawpa Tikavâ sawchapawpa Sâluh lapinô hrohsonô Huldâ kei chho ei ta. Ano cha â hnai lâta Zerusale liata a pahrâpa a châ.

2 THÂTIHZYRONA 34:20

Abei ta Hikia, Sâphâ sawchapawpa Ahikâ, Mikâ sawchapawpa Abadaw, chârohtuhpa Sâphâ nata bei chakaotuhpa Asiah zy biepie ta, ama hnohta,

HLAZY 105:19

A bie reipa a vaw tlô hlâlei cha, Abeipa bie ta ano cha a pasia lymâ.

ZEREMIAH 26:22

Bei Zehôki ta Akabaw sawchapawpa Enâthâ cha mohropazy chhaota Izi râh lâ tuah ta.

ZEREMIAH 26:24

Zeremiah deikua cha, Sâphâ sawchapaw­pa Ahikâ ta thie lei awpa ta a ku pazawh ha ta, chavâta thie awpa ta zawpi lâ hlâpa châ vei.

ZEREMIAH 32:2

Cha daihti liata, Babylaw bei pheisaihzy ta Zerusale cha dôh ei ta. Cha daihti cha Zudâh bei o vaituhpa dôhpachhôh tlyhmia liata hrohsopa Zeremiah â tâh chhôh châ ta.

ZEREMIAH 37:21

Chatanachata Bei Zedekia ta biepie ta, Zeremiah cha abei o vaituhpazy dôhpachhôh tlyhmia liata patâh ei ta. Khihpi liata viahchhâ a chhâ hlâlei cha, viahchhâ taotuhpazy lâpi liata ama taopa viahchhâ cha noh chareih ta tlâ kha lymâ pie ei ta. Cha hawhna chata Zeremiah cha vaituhpazy dôhpachhôh tlyhmia liana chata y thlâh ha ta.

ZEREMIAH 38:13

Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.

ZEREMIAH 38:28

Chatanachata Zeremiah cha Zerusale lana noh a tlô hlâlei cha, vaituhpazy dôhpachhôh tlyhmia liata y thlâh ha ta.

ZEREMIAH 39:13

Chatanachata pheisaih hyutuhpa Nebuzarâdâ, beimachâ hyutuh chaipa Nebusabâ, bei ryhraokheituhpa Nekâsareze nata Babylaw beimachâ hropa zydua ta

ZEREMIAH 39:15

Vaituhpazy dôhpachhôh tlyhmia liata patâhpa ta a y nona kha, Zeremiah hnohta Abeipa bie vaw tlô ta:

ZEREMIAH 40:1

Pheisaih hyutuhpa Nebuzarâdâ ta Zerusale khihsawzy nata Zudâh râhsawzy cha, bâlia ta chahryna chôta Babylaw lâ sei ta a chhi ta. Chazy hry liata Zeremiah chhao â hlao hra. Zeremiah deikua cha, Râmâ ama tlô nahta, Nebuzarâdâ ta pathlie ha ta. He he Nebuzarâdâ ta a pathlie tawhta, Zeremiah hnohta Abeipa bie a vaw tlôpa a châ.

ZEREMIAH 40:5

Na kua awpa khiahta cha, Babylaw bei ta Zudâh khihpizy chô liata ryureituhpa ta a raopa Sâphâ sawchapawpa Ahikâ sawchapawpa Kedaliah lâ kua la, a hnohta râhsawzy hry liata kei pahrâ mah y. Cha su lâ kua awpa na khoh vei khiahta cha, pha na tahna lâ maih sie mah y,” tah ta. Chatanachata pheisaih hyutuhpa ta Zeremiah cha nie awpa nata kuhria pie ta, pasiesa ha ta.

ZEREMIAH 40:6

Zeremiah cha Ahikâ sawchapawpa Kedaliah yna Mizpâ lâ sie ta, râh liata siesaipa râhsawzy hry liata a hnohta pahrâ ha ta.

ZEREMIAH 40:7

Babylaw bei ta Ahikâ sawchapawpa Kedaliah cha Zudâh râh ryureituhpa ta tao ta, chapawzy, chanôzy, hawtizy nata Babylaw lâ sei ta a chhi leipa, râh liata sipasa chaipazy cha ano ryureina ry liata soh khai ta. Cha thâtih cha lyurâhpa liata a ypa pheisaih hyutuhpa zydua nata ama pheisaihzy ta ama thei nahta,

ZEREMIAH 41:1

Thla sarina liata, Elisâmâ sawchapawpa Nethaniah sawcha­pawpa Ismela, abei chi nata beimachâzy hry liata pakha cha, chyhsa pahrawh a chhipa ta, Mizpâ liata Ahikâ sawchapawpa Kedaliah lâ a vy ta. Mizpâ liata hmaohkha ta pati ama nie hai nota,