ZEREMIAH 39:10 - Mara Bible RV (BSI)

¹⁰ Pheisaih hyutuhpa Nebuzarâdâ ta khâpa hmah a hnei leipa chyhsa sipasapa thokhazy cha, Zudâh râh liata siesai ta, kre sadôzy nata lyuzy a pie ei.

ZEREMIAH 39:10 ပူးပေါင်းရင်းမြစ်များ

2 ABEIZY 25:12

Râh chyhsa dyhchhie chaipa thokhazy deikua cha, abei vaituhpazy hyutuhpa ta kre zôh mohôhtuhpa nata leipalietuhpazy châta a siesai ei.

ISAI 7:21

Chatawhcha hetana heta a vaw châ aw. Cha noh liata chyhsa pakha ta viahchao zeinô pô kha nata mietaku pô no pasa aw ta,

ZEREMIAH 40:10

Kei he Mizpâ liata pahrâ aw na ta, keimo lâ a zu tyh awpa Kaldia mo hmiakô liata nama vyuhpa ta ei duah lymâ aw. Nâmo deikua cha, kresawhti nata nopi theilâpazy nata sathaw zy pahmaoh u la, nama beihparizy liata pachô u la, khihpi nama lapazy liata pahrâ muh vy,” tah ta.

ZEREMIAH 40:7

Babylaw bei ta Ahikâ sawchapawpa Kedaliah cha Zudâh râh ryureituhpa ta tao ta, chapawzy, chanôzy, hawtizy nata Babylaw lâ sei ta a chhi leipa, râh liata sipasa chaipazy cha ano ryureina ry liata soh khai ta. Cha thâtih cha lyurâhpa liata a ypa pheisaih hyutuhpa zydua nata ama pheisaihzy ta ama thei nahta,

ZEREMIAH 43:6

chapawzy, chanôzy, hawtizy, abei sawchanôzy nata pheisaih hyutuhpa Nebuzarâdâ ta Sâphâ sawchapawpa Ahikâ sawcha­pawpa Kedaliah nata a hnohta a siesaipa zydua chhaota Izi râh lâ amâ chhi khai haw. Hrohsopa Zeremiah nata Neriah sawchapawpa Bâruka chhao amâ chhi ha hra.

ZEREMIAH 52:16

Râh chyhsa dyhchhie chaipa thokhazy deikua cha, pheisaih hyutuhpa Nebuzarâdâ ta kre sadô mohôhtuhpa nata leipalietuhpazy châta a siesai ei.

EZEKIA 33:24

“Chyhsa sawchapawpa y, Izarei râh su rypazy liata a ypazy ta, ‘Abarahâ kha ano pakha dei châ ta, chatanachôta râh hnei thei ta, keimo cha a hluhpi châ pi ta, râh cha eima ryuto châta piepa eima châ haw,’ tah ei ta.

ZEKARIA 11:7

Chavâta thie awpa ta raopa sahroh zaw cha pasa ei na ta, sahroh tlâhleipazy cha ei mohôh pachai ei. Chatawhcha chôchahrei miano la na ta, miakhapa cha a moh “Khokhei” bi na ta, ahropa cha “Pôhkha” ei bi. Cha hawhna chata sahroh zaw cha ei mohôh ei.