ZEREMIAH 38:6 - Mara Bible RV (BSI)

⁶ Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.

ZEREMIAH 38:6 ပူးပေါင်းရင်းမြစ်များ

ÂTHAONA 37:24

A chhi ei ta, khaohtlô liata pathla ei ta. Khaohtlô cha aruapa, a chhôh liata ti a y leipa a châ.

HLAZY 109:5

Hmo phapa cha hmo chhiepa ta na thô ei ta, Ei kyhpachâna ahaona ta eina thô ei.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

HLAZY 69:2

Chiatlao athupa liata a pamôh na ta, Tly nawpa rai y vei; Ti athupa tlô na ta, Tisaih ta eina vao.

ZEREMIAH 32:2

Cha daihti liata, Babylaw bei pheisaihzy ta Zerusale cha dôh ei ta. Cha daihti cha Zudâh bei o vaituhpa dôhpachhôh tlyhmia liata hrohsopa Zeremiah â tâh chhôh châ ta.

ZEREMIAH 36:26

Chatawhcha abei ta abei sawchapawpa Zerame nata Azarie sawchapawpa Seriah nata Abade sawchapawpa Selemiah zy cha, chârohtuhpa Bâruka nata hrohsopa Zeremiah patu awpa ta biepie ta. Châhrasala Abeipa ta âmo cha a nyu ha ei.

ZEREMIAH 37:16

Zeremiah cha alei ry lâta patâhna o liata a ngia ta, cha liata noh hluhpi a y tawhta,

ZEREMIAH 37:21

Chatanachata Bei Zedekia ta biepie ta, Zeremiah cha abei o vaituhpazy dôhpachhôh tlyhmia liata patâh ei ta. Khihpi liata viahchhâ a chhâ hlâlei cha, viahchhâ taotuhpazy lâpi liata ama taopa viahchhâ cha noh chareih ta tlâ kha lymâ pie ei ta. Cha hawhna chata Zeremiah cha vaituhpazy dôhpachhôh tlyhmia liana chata y thlâh ha ta.

ZEREMIAH 38:13

Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.

ZEREMIAH 38:22

Moh teh, Zudâh bei o liata chanô a ypa zydua­ cha Babylaw bei beimachâzy lâta a chhipa châ aw ei ta, chanôzy chata na hnohta, “‘Na viasa phapazy ta cha dôvei ei ta, Ama cha pahnie haw; Tahmâ cha na phei chiatlao liata a taw ha ta, Ama châ heihsai khai ha hih,’ ama cha tah aw.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

ZEKARIA 9:11

Nâma kyh liata chhao, Na hnohta ei hraipa ei biehrai thisaih vâta, Na chyhsa atâhpazy cha, Ti y leina khaohtlô tawhta ei thaoh papua aw ei.

HMOTAOPAZY 16:24

Cha tlatlu ta ama biepiepa â ipa vâna chata, âmo cha patâhna chhôh chaipa liata khô ta, ama pheizy liata keihrai dai ta.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.