ZEREMIAH 38:2 - Mara Bible RV (BSI)

² “Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

ZEREMIAH 38:2 ပူးပေါင်းရင်းမြစ်များ

ZEREMIAH 21:4

“Zedekia cha hetana heta kei chho teh u, ‘Abeipa, Izarei Khazohpa ta hetana heta a tah: Pachâ teh, thokhy khôtho lâta châ dôhtuhpa Babylaw bei nata Kaldia mo nâ dyuhna chariah chhaichhi na ku liata a ypazy kha, nâ lâ vaw pakuasa aw na ta, Babylaw bei nata Kaldia mo cha, he khihpi chhôh lâ hmaohkha ta ei vaw pangiasa aw ei.

ZEREMIAH 24:8

“Abeipa ta hetana heta a tah: Theiku chhiepa nie tlâh châ leina taihta a chhiepa hawhna khata, Zudâh bei Zedekia nata a beimachâzy nata he râh liata â nguapa Zerusale laibâhpazy nata Izi râh liata a pahrâpazy cha ei heihsai aw ei.

ZEREMIAH 27:11

Babylaw bei raopakypa a kypa ta, ano a chakaopa phopi deikua cha, ama râh ualua liata paysa aw ei na ta, cha liata lyu tao aw ei ta, cha liata ama pahrâ lymâ aw,” Abeipa ta a tah.

ZEREMIAH 27:13

Babylaw bei a chakao leipa phopi kyh Abeipa ta a rei hapa hawhna khata, khazia zaozi, chakâhna nata potlana zy ta nâ nata na phopi nama thi aw tly?

ZEREMIAH 29:16

Dâvi beidyuchhai liata bei a tyuhpa kyh liata nata he khihpi liata a pahrâpa zawpi, nama hnohta seichâna lâ a sie hra leipa nama chiheih zydua kyh liata Abeipa ta hetana heta a tah:

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZEREMIAH 39:18

Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

ZEREMIAH 42:17

Izi râh liata pahrâ awpa ta, cha lâ ama hmia pahei ta, a siepa zydua cha, zaozi nata chakâhna nata potlana ta ama thi aw. Ama chô liata chhiena ei patlôsa awpa tawhna chata a hrohpa nata laibâhpa pakha hmah y aw veih ei.

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 44:13

Zerusale ei hriepa hawhna khata, Izi râh liata a pahrâpazy cha, zaozi nata chakâhna nata potlana ta ei hrie aw ei.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 6:11

Abeipa Zehôvâh ta hetana heta a tah: “Na ku chabaihpa ta, na phei a tlai la, ‘Cha rimâ cha, Izarei pathlazy moleina pasichhihpazy vâta, zaozi ta pao aw ei ta, chakâhna ta paopa ta, potlana ta ama pao aw he zaw,’ tah mah y.

EZEKIA 7:15

Khôtho lâ zaozi y ta, a chhôh liata potlana nata chakâhna a y. Lyurâhpa liata a ypa cha zaozi ta thi aw ta, khihpi liata a ypa cha chakâhna nata potlana ta a palâ aw.