ZEREMIAH 38:18 - Mara Bible RV (BSI)

¹⁸ Babylaw bei beimachâzy liata nâ hlâ leipa khiahta deikua cha, khihpi he Kaldia mo ku liata hlâpa châ aw ta, mei ta rao aw ei ta, ama ku tawhta pua cheita aw va chi,” tah ta.

ZEREMIAH 38:18 ပူးပေါင်းရင်းမြစ်များ

2 ABEIZY 24:12

Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

ZEREMIAH 21:10

Phana châta châ leipa ta, chhiena châta, he khihpi lâ he a heih ha na ta, Babylaw bei ku liata hlâpa châ aw ta, ano ta mei ta a rao aw, Abeipa ta a tah.’

ZEREMIAH 27:8

“‘“Phopi kheihawhpa tlyma, khinarâh kheihawhpa tlyma ta Babylaw bei Nebukaneza cha chakao khoh leipa sala, Babylaw bei raopakypa â ky khoh leipa khiahta cha, Babylaw bei ku ta ei thie khai hlâlei ei cha, zaozi, chakâhna nata potlana zy hmâpa ta, cha phopi cha ei hrie lymâ aw,”’” Abeipa ta a tah.

ZEREMIAH 37:8

Kaldia mo vaw kua aw ei ta, khihpi he amâ dyuh aw. Khihpi cha la aw ei ta, mei ta ama rao aw.

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

ZEREMIAH 38:3

Abeipa ta hetana heta a tah: Khihpi he Babylaw bei pheisaihzy ku liata hlâpa châ tlai aw ta, âmo ta ama la aw,” tahpa ta a reipa cha thei ei ta.

ZEREMIAH 39:3

Babylaw bei beimachâ zydua a vy ei ta, a liah thokhy chhikao liata a tyuh ei ta. Nekâsareze, Samkânebô, beimachâ hyutuh chaipa Sâseki nata pheisaih hyutuhpa Nekâsareze nata Babylaw bei beimachâ hropa zydua a hlao khai ei ta.

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:15

Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?