ZEREMIAH 38:17 - Mara Bible RV (BSI)

¹⁷ Chatawhcha Zeremiah ta Zedekia hnohta, “Pheisaihzy Khazohpa Abeipa, Izarei Khazohpa ta hetana heta a tah: Babylaw bei beimachâzy liata nâ hlâ khiahta cha, na hro pabohsa aw chi ta, khihpi he mei ta raopa châ leipa aw ta, nâ nata na chhôhkha nama hro awh.

ZEREMIAH 38:17 ပူးပေါင်းရင်းမြစ်များ

ÂTHAONA 12:13

Nâma vâta â bohpa ta ypa ta, nâma vâta ei hroh thei nawpa ta, ngiachhiepa ta, ‘A sietanô na ei châ’ tah mah y,” tah ta.

2 ABEIZY 24:12

Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

2 ABEIZY 25:27

Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.

1 THÂTIHZYRONA 17:24

Chatanachata ‘Pheisaihzy Abeipa cha Izarei Khazohpa châ ta, ano cha Izarei Khazohpa a châ,’ tahpa ta, na moh cha chhâzaw ta pa-ipa nata pachônôsapa ta y aw ta, châ chakaotuhpa Dâvi pathlazy cha na hmiakô liata paduapa ama châ aw.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

ZAWBÂ 23:13

Ano cha anano beih leipa châ ta, Ahy ma a palôh a pakuasa thei aw tly? A khopa cha a tao lymâ.

HLAZY 80:14

Hy Khazohpa Atotaotheipa, Vaw kua heih mah y! Avâ tawhta za sai la, Kre zôh he za moh la, Saihei mah y.

HLAZY 80:7

Hy Khazohpa Atotaotheipa, Miah paduapathi heih la; Pachhapa ta eima y thei nawpa ta, Na hmia vaw pakhaihsa mah y!

ZEREMIAH 27:12

Chatanachata Zudâh bei Zedekia cha hetana heta ei chho: “Babylaw bei raopakypa a kypa ta, ano nata a phopi cha chakao u la, hroh teh u.

ZEREMIAH 27:17

Âmo biereipa cha nathlie khuh vy. Babylaw bei chakao u la, nama hroh aw. He khihpi he khazia roryhrapa ta a y aw?

ZEREMIAH 27:8

“‘“Phopi kheihawhpa tlyma, khinarâh kheihawhpa tlyma ta Babylaw bei Nebukaneza cha chakao khoh leipa sala, Babylaw bei raopakypa â ky khoh leipa khiahta cha, Babylaw bei ku ta ei thie khai hlâlei ei cha, zaozi, chakâhna nata potlana zy hmâpa ta, cha phopi cha ei hrie lymâ aw,”’” Abeipa ta a tah.

ZEREMIAH 38:2

“Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

ZEREMIAH 39:3

Babylaw bei beimachâ zydua a vy ei ta, a liah thokhy chhikao liata a tyuh ei ta. Nekâsareze, Samkânebô, beimachâ hyutuh chaipa Sâseki nata pheisaih hyutuhpa Nekâsareze nata Babylaw bei beimachâ hropa zydua a hlao khai ei ta.

ZEREMIAH 40:9

Sâphâ sawchapawpa Ahikâ saw­chapawpa Kedaliah ta âmo nata ama sahlaozy cha bie a taih ta, ama hnohta, “Kaldia mo chakao awpa ta chi khuh vy. Râh liana heta y molopa ta, Babylaw bei chakao u la, nama châta a pha aw.

ZEREMIAH 44:7

“Chavâta tahmâ Zehôvâh Khazohpa Atotaotheipa, Izarei Khazohpa ta hetana heta a tah: Khazia cha hawhpa moleina rarôh y ngaitapa cha nâmosasyh ta namâ tao thlu? Khazia chanô nata chapaw, hawsaih nata hawti zy Zudâh tawhta chhawh pathlah khaipa ta ypa ta, laibâhpazy hnei khao leipa ta nama y aw tly?

EZEKIA 8:4

Cha liata Izarei Khazohpa rônahna hmô na ta, saikao by liata ei hmôpa aluahna hawhna tlai khata a châ.

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.