ZEREMIAH 37:3 - Mara Bible RV (BSI)

³ Bei Zedekia ta Selemiah sawchapawpa Zehukâ nata Mâsei sawchapawpa theihthaipa Zephania cha hrohsopa Zeremiah lâ tuah ta, a hnohta, “Ngiachhiepa ta Abeipa eima Khazohpa lâ thlah miah chhâpa mah y,” tahpa ta kei pachhosa ta.

ZEREMIAH 37:3 ပူးပေါင်းရင်းမြစ်များ

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

PUASAINA 10:17

Chavâta tahmâ ei châ haw ei, he ei khata ngâlâh he ei moleina rie nâ ngiahthai u la, he thina he kei tawhta na lapa awpa ta Abeipa nama Khazohpa cha na hiapa teh u,” tah ta.

PUASAINA 8:28

Phiraoh ta, “Râhchawhpa liata Abeipa nama Khazohpa lâta namâ theih thei nawpa ta, cha pasiesa aw ei na ta, lâ hlapi taih deikua nama sie awpa châ vei, na hiapa teh u,” tah ta.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

PUASAINA 9:28

Abeipa lâ hiah teh u. Khazohpa tôkalôhpa nata pareihzy he â daih ha bâ na. Ei cha pasiesa bâ aw ei, y khao aw veih ei chi,” tah ta.

ZEREMIAH 15:11

Abeipa ta hetana heta einâ chhy: “Hmo phapa châta Izarei laibâhpa chi cha ei cha pachha tlai aw. Chatanachata na chariahpazy cha, chhiena daihti nata nôpona daihti liata âmo châta thlahchhâ awpa ta, nâma liata châ hia awpa ta ei tao aw ei.

ZEREMIAH 2:27

Âmo cha tho hnohta, ‘Ei paw na châ,’ a tahpazy châ ei ta, Alô hnohta, ‘Nâ satuhpa na châ,’ a tahpazy ama châ. Hmia na chhy leipa ei ta, Ama hnôh tlao eina chhy ha ei. Ama nôpona daihti a vaw tlô nahta deikua cha, ‘Thyu la, miah pachha teh!’ ama tah tyh.

ZEREMIAH 29:21

Ei moh ta haipa ta hrohsona bie a phuahpa Kôliah sawchapawpa Ahabâ nata Mâsei sawchapawpa Zedekia kyh liata, Pheisaihzy Abeipa, Izarei Khazohpa ta hetana heta a tah: Moh teh u, âmo cha Babylaw bei Nebukaneza ku liata hlâ aw ei na ta, nama mohmô lia cheingei ta a thie aw ei.

ZEREMIAH 29:25

“Pheisaihzy Abeipa, Izarei Khazohpa ta hetana heta a tah: Zerusale zawpi zydua hnohta nata Mâsei saw­chapawpa theihthaipa Zephania hnohta nata theihthaipa zydua hnohta, nâma moh ta châ paphao chi ta,

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 37:7

“Abeipa, Izarei Khazohpa ta hetana heta a tah: Keima nâ saohiah awpa ta châ vaw tuahtuhpa Zudâh bei hnohna chata hetana heta kei chho muh vy, ‘Pachâ teh, nâma cha bao awpa ta â khypa Phiraoh pheisaihzy cha, âmo râh, Izi râh lâ amâ lie aw.

ZEREMIAH 38:1

Mâtâ sawchapawpa Sephatiah, Pâsu sawchapawpa Kedaliah, Selemiah sawchapawpa Zukâ nata Mâkia sawchapawpa Pâsu zy ta Zeremiah ta zawpi zydua hnohta,

ZEREMIAH 42:1

Chatawhcha pheisaih hyutuhpa zydua, Kariah sawchapawpa Zôhanâ, Hôsai sawchapawpa Zezaniah nata zawpi zydua cha, a chyh chaipa tawhta a lai chaipa taihta a vaw hnia ei ta,

ZEREMIAH 42:20

Nâmo tlai ta, ‘Abeipa eima Khazohpa lâ thlah miah chhâpa la, Abeipa eima Khazohpa ta a reipa maih miah chho la, eima tao aw,’ tahpa ta Abeipa nama Khazohpa lâ na tuah ei chi ta, châhrasala dôveina nama palôh liata a ypa tlao a vaw châ.

ZEREMIAH 52:24

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.

HMOTAOPAZY 8:24

Saimaw ta a chhy ta, “Nama bie reipa cha khâpa hmah ei chô liata a tlô lei nawpa ta, Abeipa lâ thlah na chhâpa teh u,” tah ta.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.