Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZEREMIAH 37:21 - Mara Bible RV (BSI)

21 Chatanachata Bei Zedekia ta biepie ta, Zeremiah cha abei o vaituhpazy dôhpachhôh tlyhmia liata patâh ei ta. Khihpi liata viahchhâ a chhâ hlâlei cha, viahchhâ taotuhpazy lâpi liata ama taopa viahchhâ cha noh chareih ta tlâ kha lymâ pie ei ta. Cha hawhna chata Zeremiah cha vaituhpazy dôhpachhôh tlyhmia liana chata y thlâh ha ta.

အခန်းကိုကြည့်ပါ။ ကော်ပီ




ZEREMIAH 37:21
35 ပူးပေါင်းရင်းမြစ်များ  

Thla palihna, noh chakina noh ta khihpi liata chakâh mozoh vaw tlô ta, râh zawpizy châta niedo y khao leipa ta.


Chakâh nota thina tawhta cha pachha aw ta, Adyuhna liata zaozi hmotaotheina tawhta a cha pachha aw.


Daihti pha leipa liata maophyuh leipa aw ei ta, Chakâh nohzy liata rihbiepa ta ama nie aw.


Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.


A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.


Abei palôh cha Abeipa ku liata y ta, Vahtie ti hawhta a khona lâ maih a palosa tyh.


Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.


Pâsu ta hrohsopa Zeremiah cha tu ta, Abeipa o thokhy Benzami Chhikao machhua lâta a ypa keihrai liata patâh ta.


Cha daihti liata, Babylaw bei pheisaihzy ta Zerusale cha dôh ei ta. Cha daihti cha Zudâh bei o vaituhpa dôhpachhôh tlyhmia liata hrohsopa Zeremiah â tâh chhôh châ ta.


Chatanachata ei heinawhpa Hâname cha Abeipa bie hawhta, vaituhpa dôhpachhôh tlyhmia liata kei lâ a vy ta, ei hnohta, ‘Benzami râh Anathô liata ei lyu he nâ ta chalei mah y, ryuto a pakhy theipa na châpa vâta, nâ ta na chatlai awpa a châ,’ tah ta. Chatanachata cha cha Abeipa bie kha a châ tahpa pahno ha na ta.


He he vaituhpa dôhpachhôh tlyhmia liata patâhpa a châ thlâh ha chy nota, Zeremiah hnohta Abeipa bie a ei nona ta a vaw tlôpa a châ.


Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.


Chatanachata Zeremiah cha Zerusale lana noh a tlô hlâlei cha, vaituhpazy dôhpachhôh tlyhmia liata y thlâh ha ta.


Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.


“Ei zibeipa abei y, he chyhsazy ta hrohsopa Zeremiah khaohtlô liata ama pathlapa he, hmo pha lei ngaitapa ama taopa a châ. Khihpi liata viahchhâ y khao tlôh leipa ta, chavâta Zeremiah cha nodipa ta cha liata a thi aw mâh tâh,” tah ta.


Thla palihna, noh chakina noh ta khihpi liata chakâh mozoh vaw tlô pathao ta, râh zawpizy châta niedo rai y khao leipa ta.


Eima vozy cha chakâh noh lopa vâta, Lômathu hawhta a saih khai haw.


Khazohpa khinarâh nata a siana tlua tua u la, cha hmo zydua cha baichhapa nama châ aw.


Chavâta Pity cha patâhna o liata paysa chypa châ ta, Awnanopa ta ano châta phahnai khoh ngaitapa ta Khazohpa lâ thlahchhâ ei ta.


Kô no a sie tawhta, Felika cha Pôsia Festâ ta a thla ta. Zuzy hry liata moh pha a khohpa vâta, Felika ta Pawla cha patâhna o liata siesai ta.


Rawma eima tlô nahta, Pawla cha vaituhpa pheisaih hneipa ta, ano kho ta y awpa ta pasaipa châ ta.


Pawla cha kô no bohloh ano o a hlâpa liata y ta, ano lâ a chareipa zydua a vaw ly tyh ta.


Chavâta a cha awna ei nata â phuhpa ta y awpa ta, kei Abeipa châta atâhpa heta ei châ haw ei.


Thâtihpha ei rei awpa cha riahphapa ta ei rei thei nawpa ta, lyuhchâpa bâlia a kypa ei châ.


Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.


Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ