ZEREMIAH 37:2 - Mara Bible RV (BSI)

² Châhrasala ano nata a chakaotuhpazy nata râhsawzy ta Abeipa bie hrohsopa Zeremiah pakah ta a reipazy cha nathlie leipa ei ta.

ZEREMIAH 37:2 ပူးပေါင်းရင်းမြစ်များ

2 SAMUELA 10:2

Dâvi ta, “Nahâsâ sawchapawpa Hânu cha, a paw ta ei chô liata phana a palâsa tyhpa hawhta, kei chhao ta a chô liata phana ei palâsa hra aw,” tah ta. Chatanachata a paw thina kyh liata thlapalôh awpa ta, Dâvi ta Hânu lâ a chakaotuhpazy tuah ta. Dâvi chakaotuhpazy cha Amawna râh kei tlô ei ta.

2 SAMUELA 12:25

Hrohsopa Nâthâ hnohta Abeipa bie vaw tlô ta, “Abeipa vâta a châ” tahpa ta, hrohsopa Nâthâ ta a moh Zedidiah a bi.

1 ABEIZY 14:18

Abeipa ta a chakaotuhpa hrohsopa Ahiza hmâpa ta bie a vaw rei hapa hawhta, Izarei saw zydua ta hawti cha pabu ei ta, ano châta mâchhiesa ei ta.

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

2 THÂTIHZYRONA 36:11

Zedekia cha kô kih nata kô khapa a châ nota a bei pathao ta, Zerusale liata kô hrawh hleikha â bei.

PUASAINA 4:13

Châhrasala Mawsi ta, “Hy ei Beipa, ngiachhiepa ta chyhsa hropa tuah thlâh ha mah y,” tah ta.

BIESOZY 26:6

Ahrupa ku liata bietapa a paphaopa cha, Ano phei tai pachhô ta atudaina ti a dohpa a châ.

BIESOZY 29:12

Ryureituhpa ta haipa bie a nathlie khiahta cha, A beimachâ zydua chhao ama molei tyh.

ZEREMIAH 34:2

“Zehôvah, Izarei Khazohpa ta hetana heta a tah: Vawh la, Zudâh bei Zedekia hnohta hetana heta kei chho teh, ‘Abeipa ta hetana heta a tah: Pachâ teh, he khihpi he Babylaw bei ku liata hlâ aw na ta, ano ta mei ta a rao aw.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.

HÔSIA 12:10

Hrohsopazy hnohta bie reih na ta, Aluahna hluhpi ei pie ei; Hrohsopazy hmâpa ta Pakhona biezy ei reih tyh.

THEIHTHAINA 8:36

Chatanachata Abeipa ta Mawsi hmâpa ta bie a piepa zydua cha Arawna nata a sawchapawzy ta tao khai ei ta.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.