ZEREMIAH 37:17 - Mara Bible RV (BSI)

¹⁷ Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 37:17 ပူးပေါင်းရင်းမြစ်များ

1 ABEIZY 22:15

Abei kô a tlô nahta, abei ta a hnohta, “Mikai, Ramôkilia a dyuh aw­pa ta eima sie aw ma, ei chalih aw?” tah ta. Mikai ta, “Khy la kaw pahnie teh. Abeipa ta Ramôkilia cha abei ku liata a pie aw,” tah ta.

1 ABEIZY 22:16

Abei ta a hnohta, “Abeipa moh ta biehmeiseihpa reipa dei leipa ta cha, ei hnohta khâpa bie hmah rei lei awpa ta ei khazie ma bie ei cha pataihsa aw?” tah ta.

2 ABEIZY 25:7

Zedekia sawchapawzy cha ama paw mohmô liata thie ei ta, Zedekia chhao a mozy thaoh ei ta, bâliazy ta buh ei ta, Babylaw lâ siekhei ha ei ta.

ZEREMIAH 15:11

Abeipa ta hetana heta einâ chhy: “Hmo phapa châta Izarei laibâhpa chi cha ei cha pachha tlai aw. Chatanachata na chariahpazy cha, chhiena daihti nata nôpona daihti liata âmo châta thlahchhâ awpa ta, nâma liata châ hia awpa ta ei tao aw ei.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 24:8

“Abeipa ta hetana heta a tah: Theiku chhiepa nie tlâh châ leina taihta a chhiepa hawhna khata, Zudâh bei Zedekia nata a beimachâzy nata he râh liata â nguapa Zerusale laibâhpazy nata Izi râh liata a pahrâpazy cha ei heihsai aw ei.

ZEREMIAH 25:35

Mietaku vaituhpazy châta A chhai nawpa y khao leipa aw ta; Mietaku zaw zibeipazy châta A râ nawpa y khao aw vei.

ZEREMIAH 37:3

Bei Zedekia ta Selemiah sawchapawpa Zehukâ nata Mâsei sawchapawpa theihthaipa Zephania cha hrohsopa Zeremiah lâ tuah ta, a hnohta, “Ngiachhiepa ta Abeipa eima Khazohpa lâ thlah miah chhâpa mah y,” tahpa ta kei pachhosa ta.

ZEREMIAH 38:5

Bei Zedekia ta, “Moh teh u, Zeremiah cha nama ku liata a y. Nâmo chakhiapa ta cha abei heta tao theipa hnei va,” tah ta.

ZEREMIAH 52:8

Kaldia pheisaihzy ta abei cha a chadai ei ta, Zerikô bypi liata kei pha ha ei ta. Abei cha a pheisaih zydua ta a râsai khai ha ei ta.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

MALUHREINA 23:17

Bâlâma cha Bâlâka lâ vawh ta. Bâlâka cha raopa hlâna kiapâh liata a vaw duah thlâh ha ta. Môabâ beimachâzy a hnohta y ei ta. Bâlâka ta a hnohta, “Abeipa ta khâpa ma a reih? tah ta.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.