ZEREMIAH 37:13 - Mara Bible RV (BSI)

¹³ Benzami thokhy chhikao a tlô nahta, Hânaniah saw­chapawpa Selemiah sawchapawpa a moh Iriza ama tahpa vaituhpazy hyutuhpa vaw y ta. Ano chata Zeremiah hnohta, “Kaldia mo lâ nâ râ,” tahpa ta hrohsopa Zeremiah cha patu ta.

ZEREMIAH 37:13 ပူးပေါင်းရင်းမြစ်များ

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 20:2

Pâsu ta hrohsopa Zeremiah cha tu ta, Abeipa o thokhy Benzami Chhikao machhua lâta a ypa keihrai liata patâh ta.

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 27:6

Tahmâ chhao, he râh zydua he nâ chakaotuhpa Babylaw bei Nebukaneza ku liata pie na ta, râhsazy chhao ano chakao awpa ta ei pie.

ZEREMIAH 28:14

Pheisaihzy Abeipa, Izarei Khazohpa ta hetana heta a tah: Babylaw bei Nebukaneza ama chakao thei nawpa ta, he phopi zydua he thua raopaky paky ei na ta, Nebukaneza cha ama chakao aw. Lyurâhpa sazy chhao taihta ano ei hlâ hapa a châ,’” tah ta.

ZEREMIAH 36:12

abei o lâ zu ta, chârohtuhpa chhôhpadâhpa liata a ngia ta, beimachâ zydua cha liata a vaw tyuh thlâh ha ei ta. Chazy cha chârohtuhpa Elisâmâ, Semiah saw­chapawpa Delia, Akabaw sawcha­pawpa Enâthâ, Sâphâ sawcha­pawpa Kemariah, Hânaniah sawchapawpa Zedekia nata beimachâ hropa zydua ama châ.

ZEREMIAH 38:1

Mâtâ sawchapawpa Sephatiah, Pâsu sawchapawpa Kedaliah, Selemiah sawchapawpa Zukâ nata Mâkia sawchapawpa Pâsu zy ta Zeremiah ta zawpi zydua hnohta,

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

ZEREMIAH 38:7

Kusi chyhsa hrilyupa, abei o liata a ypa Ebemele ta khaohtlô liata Zeremiah ama pathlapa thâtih cha thei ta. Cha nota abei cha Benzami Thokhy Chhikao liata a tyuh thlâh ha ta.

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

AMÔSÂ 7:10

Chatawhcha Bethel theihthaipa Amazia ta Izarei bei Zerôbaw lâ chyhsa tuah ta, a hnohta, “Amôsâ ta Izarei phopi hry liata arulâta cha tei ta, a bie zydua cha râh ta phaoh thei khao vei.

ZEKARIA 14:10

Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

HMOTAOPAZY 24:13

Tahmâ chhao, eina leihna bie he â do tlai na tahpa pasia thei aw veih ei.

HMOTAOPAZY 6:11

Arulâta chyhsazy pasyu ei ta, cha chyhsazy chata, “Mawsi nata Khazohpa a reipachhiena biezy eima thei,” tah ei ta.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.