ZEREMIAH 36:9 - Mara Bible RV (BSI)

⁹ Zôsia sawchapawzy Zudâh bei Zehôki abeina kô pangawhna, thla chakina liata, Zerusale khihsaw zydua nata Zudâh khihpizy tawhta Zerusale lâ â vypa chyhsa zydua ta Abeipa hmiakô liata kâhvileipa ta y awpa phuah ei ta.

ZEREMIAH 36:9 ပူးပေါင်းရင်းမြစ်များ

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

NEHEMIAH 9:1

Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ZEREMIAH 36:1

He he Zôsia sawchapawpa Zudâh bei Zehôki abeina kô palihna liata, Zeremiah hnohta Abeipa bie vaw tlôpa a châ.

ZEREMIAH 36:22

Cha cha thla chakina liata châ ta. Abei cha chasipaw o liata chakoh mei kiapâh liata a vaw tyuh thlâh ha ta.

ZEREMIAH 36:6

Chavâta nâ vawh la, Abeipa bie ei cha chhopa châbu liata na ropazy kha, kâhvileina noh liata Abeipa o liata zawpi zydua theina liata kei reih mah y. Ama khihpizy tawhta a vaw puapa Zudâh mo zydua theina liata chhao na rei awpa a châ.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

THEIHTHAINA 23:27

“Thla sarina noh hrawhna noh cha Chatlaina Noh châ ta, nama châta pakhypi pathaihpa châ aw ta, a paky aw ei chi ta, Abeipa lâta mei ta hmohlâpa nama hlâ awpa a châ.

ZAWNA 3:5

Ninivâ mo cha Khazohpa zo ei ta. Kâhvileina phuah ei ta, a lai chaipa tawhta a chyh chaipa taihta latho poh a bu ei ta.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.