ZEREMIAH 36:7 - Mara Bible RV (BSI)

⁷ Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 36:7 ပူးပေါင်းရင်းမြစ်များ

2 ABEIZY 22:13

“Vawh u la, he châbu ama hmôpa liata biezy kyh liata, kei nata zawpi nata Zudâh zydua châta Abeipa miah a saohiahpa teh u. He châbu bie zydua he eima tao awpa châ ta, châhrasala miah pathlatuhpazy ta ama zyh leipa vâta, eima chô liata Abeipa pathi thata a ia ha hi,” tah ta.

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

2 THÂTIHZYRONA 34:21

“Vawh u la, châbu ama hmôpa liata â rohpa biezy kyh liata, kei nata Izarei nata Zudâh râh liata laibâhpazy châta Abeipa a kei saohiah teh u. Miah pathlatuhpazy khata he ryhpa châbu liata ropa hawhna heta Abeipa bie ama vaw zyh leipa vâta, Abeipa pathiiana ru ngaitapa eima chô liata lei thlupa a châ ha hih,” tah ta.

ZEREMIAH 1:3

Abeipa bie he Zôsia sawchapawpa Zudâh bei Zehôki â bei daihti liata chhao vaw tlô ta, Zôsia sawchapawpa Zudâh bei Zedekia abeina kô hrawh hleikhana chhâna taihta vaw tlô lymâ ta, thla pangawhna liata Zerusale sei ta â tahna daihti taihta a vaw tlô lymâ.

ZEREMIAH 16:10

“He phopi hnohta, cha bie zydua cha na chho ti ei ta, âmo ta, ‘Khâpa vâta ma Abeipa ta cha hawhpa hmo chhiepa rarôh ypa cha eima chô liata patlôsa â chhuah tly? Khâpa hmo ma eima parao tly? Abeipa eima Khazohpa chô liata khâpa moleina ma eima tao tly?’ ama cha tah khiahta cha,

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 26:3

Nathlie aw ei ta, chyhsa to ama hrozie pha leipa ama siesai thei ngyu aw lah. Chatanachata ama hmotaopa pha leipazy vâta ama chô liata chhiena tao ei chhuahpa cha ei pathleih aw.

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

ZEREMIAH 37:20

Hy ei zibeipa abei y, tahmâ na nathlie awpa ta ei châ haw. Ei hawna nawhpa he na hmiakô liata rie vaw tlô sala, chârohtuhpa Zawnathâ o lâ rie na paphao pakhua khah y. Chataleipatala cha liata ei thi pathlei aw na,” tah ta.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 12:3

Nâ deikua cha, chyhsa sawchapawpa y, seichâna lâ a sie awpa hawhta na hmo a chhuah la, ama mohmô lia tlai ta, nohchhô sawhvaw ta seichâna lâ sie mah y. Seichâna lâ a sie awpa hawhta, ama mohmô lia tlai ta, na yna su tawhta su hro lâ na sie aw. Saw chhorupazy châ hra ei sala, cha dâhdei chhâ cha ama pahno thai ngyu aw lah.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

EZEKIA 20:33

“Ei hrona reipa ta ei reih. Ku thatlôpa nata bâh pazawhpa nata hiehâhna patlaipa ta, nama chô liata ryu ei reih aw, Abeipa Zehôvâh ta a tah.

EZEKIA 22:20

Chyhsa ta tâkâ, dawh, thua nata ky zy patina mei liata pahmaoh ta, patisa awpa ta mei a hmô thlupa hawhta, ei hiehâhna nata ei pathiiana ta cha pahmaoh aw ei na ta, patina mei liata cha soh aw ei na ta, ei cha pati aw ei.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

EZEKIA 8:18

Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZÔELA 2:13

“Nama poh châ leipa ta, Nama pathipalôh hrie teh u,” Abeipa ta a tah. Abeipa nama Khazohpa lâ kua teh u, Ano cha ngiachhiena nata zawngiahna a hneipa châ ta, Nônaina nata kyhpachâna ta a biepa a châ; Chhiena patlôsa lei awpa ta A palôh a panano theipa a châ.

ZAWNA 3:8

Chyhsa chhao, sahroh chhao, latho poh a bu khai ei sala, Khazohpa cha thata pado mawh ei sy. Chyhsa to ama moleina lâpi tawhta kua ei sala, ama ku liata thachahra hmâna a ypa tawhta kua mawh ei sy.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.