ZEREMIAH 36:5 - Mara Bible RV (BSI)

⁵ Zeremiah ta Bâruka cha biepie ta, a hnohta, “Kei cha patâhpa ei châpa vâta, Abeipa o liata a ngia thei va na.

ZEREMIAH 36:5 ပူးပေါင်းရင်းမြစ်များ

NEHEMIAH 6:10

Noh kha cha a o liata â hraikhôh thlâh hapa Mehetabe sawchapawpa Deliah sawchapawpa Semiah lâ vawh na ta, ano ta, “Khazohpa o, Achhyna o chhôh liata a hmô sih la, Achhyna o ochhi khaw ha ei suh u. Cha thie awpa ta amâ vy aw. Azo ta cha thie awpa ta amâ vy aw,” tah ta.

HLAZY 88:8

Ei viasa phapazy ta ama pathlua awpa ta na tao chi ta, Âmo châta pasichhihpa ta eina tao ha chi. Khawhlôhpa ta y na ta, Pua thei va na.

ZEREMIAH 20:2

Pâsu ta hrohsopa Zeremiah cha tu ta, Abeipa o thokhy Benzami Chhikao machhua lâta a ypa keihrai liata patâh ta.

ZEREMIAH 32:12

Achaleina ryuchâ cha, ei heinawhpa Hâname moh­mô liata nata ryuchâ liata ama moh a roh hrapa pahnokheituhpazy nata vaituhpa dôhpachhôh tlyhmia liata Zu chyhsa a tyuhpa zydua mohmô ta Mâsei saw­chapawpa Neriah sawchapawpa Bâruka hnohta pie na ta.

ZEREMIAH 32:2

Cha daihti liata, Babylaw bei pheisaihzy ta Zerusale cha dôh ei ta. Cha daihti cha Zudâh bei o vaituhpa dôhpachhôh tlyhmia liata hrohsopa Zeremiah â tâh chhôh châ ta.

ZEREMIAH 33:1

He he vaituhpa dôhpachhôh tlyhmia liata patâhpa a châ thlâh ha chy nota, Zeremiah hnohta Abeipa bie a ei nona ta a vaw tlôpa a châ.

ZEREMIAH 37:15

Beimachâzy cha Zeremiah chô liata ama hiehâh ngaita ta, tu ei ta, chârohtuhpa Zawnathâ o liata patâh ei ta. Zawnathâ o cha patâhna o châta hmâpa a châ.

ZEREMIAH 38:28

Chatanachata Zeremiah cha Zerusale lana noh a tlô hlâlei cha, vaituhpazy dôhpachhôh tlyhmia liata y thlâh ha ta.

ZEREMIAH 38:6

Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.

ZEREMIAH 40:4

Tahmâ pachâ teh, na ku liata bâliazy tawhta tanoh ei cha pathlie haw. Babylaw lâ ei hnohta a khy awpa na khoh khiahta cha a khy la, a phapa ta ei cha hrôbieh aw. Babylaw lâ ei hnohta nâ khy khoh vei khiahta deikua cha, a khy hlei khah y. Moh teh, râh zydua na hmiakô liata a y hih. Â ryh na tahpa nata pha na tahpa lâ maih sie mah y.

2 KAWRINI 11:23

Krista chakaotuhpazy ama châ ma? Âmo hlâta ei châ via. Ahrupa bie rei ta reih aw sah la, âmo hlâta hriapasa via syulyu na ta, patâh hluh viapa châ na ta, a ei rei tiah lei ta chhei hluh viapa châ na ta, thi theina duahmo chhao ei tyh hluh via syulyu.

EPHESI 3:1

Cha vâna chata kei, Pawla, nâmo Zenitaizy châta Krista Zisu vâta atâhpa heta ei cha chho ei.

EPHESI 6:20

Thâtihpha ei rei awpa cha riahphapa ta ei rei thei nawpa ta, lyuhchâpa bâlia a kypa ei châ.

2 TIMAWTHY 2:9

Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.