ZEREMIAH 36:4 - Mara Bible RV (BSI)

⁴ Chatawhcha Zeremiah ta Neriah sawchapaw­pa Bâruka aw ta, Abeipa ta a hnohta bie a reipa zydua Bâruka chho ta, cha biezy cha Bâruka ta châbu liata roh ta.

ZEREMIAH 36:4 ပူးပေါင်းရင်းမြစ်များ

ISAI 30:8

Tahmâ he sie la, cha biezy cha, Ama hmiakô liata lôphiapa liata roh la, Châbu liata chhao roh teh; Chatanachata daihti vaw y awpazy liata, Chhâzaw nata tlyzaw ta pahnokheituhpa a châ aw.

ISAI 8:1

Abeipa ta ei hnohta, “Châ rona phiapa la la, mo to rei thai awpa ta, ‘Mahe-salâ-has-bâza châta,’ tahpa ta roh teh.

ZEREMIAH 25:13

A chô liata bie ei reipa zydua kha, cha râh chô liata patlôsa aw na ta, Zeremiah ta phopi zydua chô liata hrohsona bie a phuahpa, he châbu liata ropa zydua ei patlôsa aw.

ZEREMIAH 30:2

“Izarei Khazohpa Abeipa ta hetana heta a tah: ‘Na hnohta ei reipa bie zydua kha châbu liata roh khai mah y.

ZEREMIAH 32:12

Achaleina ryuchâ cha, ei heinawhpa Hâname moh­mô liata nata ryuchâ liata ama moh a roh hrapa pahnokheituhpazy nata vaituhpa dôhpachhôh tlyhmia liata Zu chyhsa a tyuhpa zydua mohmô ta Mâsei saw­chapawpa Neriah sawchapawpa Bâruka hnohta pie na ta.

ZEREMIAH 36:14

Chatawhcha beimachâ zydua ta Kusi sawcha­pawpa Selemiah sawchapawpa Nethaniah sawchapawpa Zehudi cha, Bâruka lâ tuah ei ta, a hnohta, “Zawpi theina liata na reipa châbu cha na ku ta vaw chaba la a vy teh,” tahpa ta kei pachhosa ei ta. Neriah sawchapawpa Bâruka cha a ku ta châbu cha chabapa ta âmo lâ a vy ta.

ZEREMIAH 36:21

Châbu cha kei la awpa ta abei ta Zehudi tuah ta. Zehudi ta châbu cha chârohtuhpa Elisâmâ chhôhpadâhpa lâ kei la ta. Abei nata abei kiapâh ta a duahpa beimachâ zydua nah theina liata châbu cha reih ta.

ZEREMIAH 36:23

Zehudi ta bo thôh bo palih a rei khai nahta, abei ta châbu chatypa cha chaizôh ta tai pachhôpa ta mei liata phôh lymâ ta, châbu zydua a kâ khai hana taihta chakoh mei liata a phôh lymâ.

ZEREMIAH 36:26

Chatawhcha abei ta abei sawchapawpa Zerame nata Azarie sawchapawpa Seriah nata Abade sawchapawpa Selemiah zy cha, chârohtuhpa Bâruka nata hrohsopa Zeremiah patu awpa ta biepie ta. Châhrasala Abeipa ta âmo cha a nyu ha ei.

ZEREMIAH 36:27

Bâruka ta Zeremiah pakah tawhta bie a puapa a rona châbu cha abei ta a rao khai nahta, Zeremiah hnohta Abeipa bie vaw tlô ta:

ZEREMIAH 36:28

“Châbu hropa la la, Zudâh bei Zehôki ta a rao hapa châbu hmiatuapa liata bie zydua kha roh heih mah y.

ZEREMIAH 36:32

Chatawhcha Zeremiah ta châbu hropa la ta, Neriah sawchapawpa chârohtuhpa Bâruka cha pie ta. Zudâh bei Zehôki ta mei ta a rao hapa châbu bie zydua kha, Zeremiah ta a pakah ta Bâruka chho ta, Bâruka ta roh heih ta. Cha biezy a lyupa bie hropa hluhpi chhao baichhapa a châ.

ZEREMIAH 36:6

Chavâta nâ vawh la, Abeipa bie ei cha chhopa châbu liata na ropazy kha, kâhvileina noh liata Abeipa o liata zawpi zydua theina liata kei reih mah y. Ama khihpizy tawhta a vaw puapa Zudâh mo zydua theina liata chhao na rei awpa a châ.

ZEREMIAH 43:3

Kaldia mo ta miah ama thie thei nawpa nata Babylaw lâ sei ta miah amâ chhi thei nawpa ta, ama ku liata miah hlâ awpa ta, Neriah sawchapawpa Bâruka ta nâma cha hmâpa ta miah a teipa tlao a châ,” tah ei ta.

ZEREMIAH 51:59

He bie he Zudâh bei Zedekia ryureina kô palihna liata Babylaw lâ siekheipa a châ nota, a hnohta a sie hrapa Mâsei sawchapawpa Neriah sawchapawpa Seriah hnohta, Zeremiah ta bie a piepa a châ. Seriah cha abei o liata hyutuh chaipa a châ.

ZEREMIAH 51:60

Zeremiah ta Babylaw chô liata chhiena a tlô awpa zydua, Babylaw kyh liata he bie zydua he châbu liata roh ta.

EZEKIA 2:9

Chatawhcha moh na ta, châbu chatypa a chabapa ku ta eina vaw pazapa hmô na ta.

DÂNIAH 7:1

Babylaw bei Belsâza abeina kô khana liata, Dâniah cha a rakhô liata â zia thlâh ha nota, mâsapa nata a luh liata aluahnazy hmô ta. Chatanachata a mâsapa cha roh ta, a hmo hmôpazy cha reih ta.

ZEKARIA 5:1

Avâ lâ kaw moh heih na ta, châbu chatypa a zaw ngâpa hmô na ta.

RAWMA 16:22

Kei Tertia, he châ rohtuhpa heta, Abeipa moh ta ei châ naoh ei.