ZEREMIAH 36:32 - Mara Bible RV (BSI)

³² Chatawhcha Zeremiah ta châbu hropa la ta, Neriah sawchapawpa chârohtuhpa Bâruka cha pie ta. Zudâh bei Zehôki ta mei ta a rao hapa châbu bie zydua kha, Zeremiah ta a pakah ta Bâruka chho ta, Bâruka ta roh heih ta. Cha biezy a lyupa bie hropa hluhpi chhao baichhapa a châ.

ZEREMIAH 36:32 ပူးပေါင်းရင်းမြစ်များ

ZEREMIAH 36:4

Chatawhcha Zeremiah ta Neriah sawchapaw­pa Bâruka aw ta, Abeipa ta a hnohta bie a reipa zydua Bâruka chho ta, cha biezy cha Bâruka ta châbu liata roh ta.

ZEREMIAH 36:18

Bâruka ta, “He bie zydua he a pakah ta na chho ta, châti ta châbu liata ei ropa a châ,” tahpa ta a chhy ta.

BIEPHUAH 22:18

He châbu liata hrohsona biezy a theipa maih zikyu ei râ ei. Ahy rai ta he biezy he a baichha khiahta cha, he châbu liata potlana palâsapazy he Khazohpa ta a chô liata a baichha aw.

RAWMA 16:22

Kei Tertia, he châ rohtuhpa heta, Abeipa moh ta ei châ naoh ei.

DÂNIAH 3:19

Nebukaneza cha a hiehâh ngaita ta, Sâdarâka, Mesâka nata Abenekô zy chô liata a hmiaphao a nano khai ha ta. Patina mei cha a sah tyhpa hlâta a lie sari ta pasah awpa ta biepie ta.

ZEREMIAH 36:23

Zehudi ta bo thôh bo palih a rei khai nahta, abei ta châbu chatypa cha chaizôh ta tai pachhôpa ta mei liata phôh lymâ ta, châbu zydua a kâ khai hana taihta chakoh mei liata a phôh lymâ.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

PUASAINA 34:1

Abeipa ta Mawsi hnohta, “Lôphia hmiatuapazy hawhpa kha miano khai heih la, cha lôphiazy liana chata lôphia hmiatuapa na pakei hapazy liata biezy kha ei roh heih aw.

DÂNIAH 7:1

Babylaw bei Belsâza abeina kô khana liata, Dâniah cha a rakhô liata â zia thlâh ha nota, mâsapa nata a luh liata aluahnazy hmô ta. Chatanachata a mâsapa cha roh ta, a hmo hmôpazy cha reih ta.