ZEREMIAH 36:10 - Mara Bible RV (BSI)

¹⁰ Chatawhcha châbu liata ropa Zeremiah biezy cha, Abeipa o liata zawpi zydua thei awpa ta, Abeipa o angiana Chhikao Thiehpa chô lâta dôhpachhôh tlyhmia liata a ypa Sâphâ sawchapawpa chârohtuhpa Kemariah chhôhpadâhpa tawhta Bâruka ta reih ta.

ZEREMIAH 36:10 ပူးပေါင်းရင်းမြစ်များ

2 SAMUELA 20:25

Sevâ cha chârohtuhpa châ ta, Zadô nata Abiathâ cha theihthaipazy ama châ.

2 SAMUELA 8:17

Ahitu sawchapawpa Zadô nata Abiathâ sawchapawpa Ahimele zy cha theihthaipazy châ ei ta, Seriah cha chârohtuhpa a châ.

1 ABEIZY 6:36

Achhyna o dôhpachhôh tlyhmia cha alô khaipa tho thôh nata sidy tho tlâh kha ta pathopa ta a tao.

2 ABEIZY 15:35

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy. Zôthâ ta Abeipa o chô lâta chhikao taopathi ta.

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

2 ABEIZY 22:3

Bei Zôsia â beina kô hrawh hleichariena liata, abei ta Mesulâ sawchapawpa Azaliah sawchapawpa chârohtuhpa Sâphâ cha, Abeipa o lâ tuah ta, a hnohta,

ZEREMIAH 26:10

Zudâh beimachâzy ta cha thâtih cha ama thei nahta, abei o tawhta Abeipa o lâ khy ei ta, Abeipa o lâ angiana Chhikao Thiehpa liata a tyuh ei ta.

ZEREMIAH 26:24

Zeremiah deikua cha, Sâphâ sawchapaw­pa Ahikâ ta thie lei awpa ta a ku pazawh ha ta, chavâta thie awpa ta zawpi lâ hlâpa châ vei.

ZEREMIAH 29:3

Châ cha Sâphâ sawchapawpa Eliasâ nata Hikia sawchapawpa Kemariah zy ku liata paphao ta, Âmo cha Zudâh bei Zedekia ta Babylaw bei Nebukaneza hnohta châ pie awpa ta, Babylaw râh lâ a tuapazy châ ei ta, châ liana cha he hawhta ropa a châ.

ZEREMIAH 35:4

Abeipa o liata Khazohpa chyhsa Idaliah sawchapawpa Hâna sawzy chhôhpadâhpa lâ a vaw chhi ei na ta. Cha chhôhpadâhpa cha beimachâzy chhôhpadâhpa kiapâh liata y ta, Sâluh sawchapawpa ochhi vaituhpa Mâsei chhôhpadâhpa chô liata a ypa a châ.

ZEREMIAH 36:11

Sâphâ sawchapawpa Kemariah sawchapawpa Mikai cha, châbu liata Abeipa bie zydua cha a thei nahta,

ZEREMIAH 36:25

Enâthâ nata Delia nata Kemariah zy ta châbu cha rao lei awpa ta abei hnohta amâ hawpa chhao ta, ama bie nathlie khoh vei.

ZEREMIAH 36:6

Chavâta nâ vawh la, Abeipa bie ei cha chhopa châbu liata na ropazy kha, kâhvileina noh liata Abeipa o liata zawpi zydua theina liata kei reih mah y. Ama khihpizy tawhta a vaw puapa Zudâh mo zydua theina liata chhao na rei awpa a châ.

ZEREMIAH 36:8

Neriah sawcha­pawpa Bâruka ta hrohsopa Zeremiah ta bie a piepa zydua cha tao ta, châbu liata Abeipa biezy cha Abeipa o liata reih ta.

ZEREMIAH 43:3

Kaldia mo ta miah ama thie thei nawpa nata Babylaw lâ sei ta miah amâ chhi thei nawpa ta, ama ku liata miah hlâ awpa ta, Neriah sawchapawpa Bâruka ta nâma cha hmâpa ta miah a teipa tlao a châ,” tah ei ta.

ZEREMIAH 52:25

Pheisaih hyutuhpa pakha, khihpi liata a ypa beimachâ pasari, râh chyhsazy moh rona rai a hriapa chârohtuhpa pheisaih hyutuhpa nata khihpi liata a ypa râh chyhsa sycharu chhao khihpi tawhta a siekhei ha ei.

EZEKIA 40:38

Raopa hlânazy pasi nawpa ta, ochhi eihpa a hneipa chhôhpadâhpa miakha chhikao o aikah liata y ta.