ZEREMIAH 35:2 - Mara Bible RV (BSI)

² Abeipa ta Zeremiah hnohta, “Rekabi pathlazy lâ vawh la, âmo cha bie a kei chho la, Abeipa o liata chhôhpadâhpa miakha lâ a vaw chhipa ta, âmo cha kresawhti padosa mah y,” tah ta.

ZEREMIAH 35:2 ပူးပေါင်းရင်းမြစ်များ

1 ABEIZY 6:10

Achhyna o padôpa ta, chhôhpadâhpa dy pangawh a sâhpazy tao ta, chazy cha sidy tho ta Achhyna o nata pazaopa a châ.

1 ABEIZY 6:8

A ry chai chhâh chhikao cha Achhyna o chho lâchhâh ta y ta, cha tawhta a liah chhâh lâ kiana nata a liah chhâh tawhta chhâh thôhna lâ kiana kahmizy a y.

1 THÂTIHZYRONA 2:55

Zabia liata chârohtuhpa phozy chhao âmo pathla châ ei ta, âmo cha Tirathi mo, Simiathi mo nata Sukuthi mozy ama châ. Âmo he Keni mo châ ei ta, Rekabâ pathlazy paw Hâmathi tawhta a vaw puapazy ama châ.

1 THÂTIHZYRONA 23:28

Ama maophaohna cha Abeipa o chakaona raihria liata Arawna sawchapawzy bao awpa châ ta, tlyhmiazy nata chhôhpadâhpazy mohôh ei ta, hmo pathaihpa zydua pasi tyh ei ta, Khazohpa o liata chakaona rai hropazy ama hria tyh.

1 THÂTIHZYRONA 28:12

Abeipa o dôhpachhôh tlyhmia, tlyhmia a chadôpa chhôhpadâhpa zydua, Khazohpa o sôh sopakhynazy nata hmohlâpa pathaihpa sopakhynazy châta a pachhuapanohnazy chhao pie ta.

1 THÂTIHZYRONA 9:26

Chhikao vaituhpa hyutuh chaipa papalihzy cha Livai pathlazy châ ei ta, Khazohpa o chhôhpadâhpazy nata sôh sona mohôhna kyh liata maophaohnazy piepa ama châ.

1 THÂTIHZYRONA 9:33

Livai pathla pawhrâhpa hlasathaipazy cha Achhyna o chhôhpadâhpazy liata y ei ta, chhô nah zâ ta hria awpa maophaohna ama hneipa vâta, rai hropazy tawhta pahuapa ama châ.

2 THÂTIHZYRONA 3:9

A khaipâna ngôh ahrina zie cha sekel sypangawh a châ. O chô lâta chhôhpadâhpa chhao ngôh ta a pahu hra.

2 THÂTIHZYRONA 31:11

Hezekia ta Abeipa o liata chhôhpadâhpazy tao awpa ta biepie ta, cha hawhna chata tao ei ta.

EZRÂ 8:29

Theihthaipa pawhrâh viapazy nata Livai pathlazy nata Izarei pho pawhrâhpazy hmiakô liata Zerusale liata Abeipa o chhôhpadâhpa liata kho nama pathliah hlâlei cha vaih u la, a vao teh u,” tah na ta.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

ZEREMIAH 35:3

Chatanachata Hâbazinia sawchapawpa Zeremiah sawchapawpa Zazeniah nata a unawhpazy, a sawchapaw zydua nata Rekhâ pathla zydua cha kei dy ei na ta.

ZEREMIAH 35:4

Abeipa o liata Khazohpa chyhsa Idaliah sawchapawpa Hâna sawzy chhôhpadâhpa lâ a vaw chhi ei na ta. Cha chhôhpadâhpa cha beimachâzy chhôhpadâhpa kiapâh liata y ta, Sâluh sawchapawpa ochhi vaituhpa Mâsei chhôhpadâhpa chô liata a ypa a châ.

ZEREMIAH 35:8

Miah pathlatuhpa Rekhâ sawchapawpa Zônadâ ta eima hro chhôh zydua ta, keimo chhao, eima lapinôzy chhao, eima sawchapawzy nata eima sawchanôzy chhao, kresawhti doh lei awpa ta bie miah a piepa zydua eima zyh lymâ.

EZEKIA 40:16

Chhikao o cha opyzy hnei ta, vaituhpa chhôhpadâhpazy nata ama pâhchhô chatipa lâchhâh cha buah via laih lymâ ta, cha hawhna chata aikahzy chhao a chhôh lâta opyzy y ta, pâhchhô chatipazy liata thiahrâ kôzy a y.