ZEREMIAH 34:3 - Mara Bible RV (BSI)

³ A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

ZEREMIAH 34:3 ပူးပေါင်းရင်းမြစ်များ

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 27:22

Babylaw lâ siekheipa châ aw ei ta, âmo ei vaw tly hlâlei ei cha, cha liata ama y aw. Cha khai tawhta vaw phaoh pakhua aw ei na ta, he su liata ei soh heih aw ei,” Abeipa ta a tah.

ZEREMIAH 32:28

Chavâta Abeipa ta hetana heta a tah: Pachâ teh, he khihpi he Kaldia mo ku liata nata Babylaw bei Nebukaneza ku liata pie aw na ta, ano ta khihpi he a la aw.

ZEREMIAH 32:3

He hawhta hrohsona bie a phuahpa vâta Zudâh bei Zedekia ta a patâhpa a châ: “Abeipa ta hetana heta a tah: He khihpi he Babylaw bei ku liata hlâ aw na ta, ano ta a la aw.

ZEREMIAH 32:4

Zudâh bei Zedekia chhao Kaldia mo ku tawhta pua leipa aw ta, Babylaw bei ku liata hlâpa châ tlai aw ta, Babylaw bei cha hmiachhy ta hmô aw ta bie â chho aw.

ZEREMIAH 34:21

Zudâh bei Zedekia nata a beimachâzy cha ama chariahpazy nata ama hrona la a chhuahpazy ku liata hlâ aw ei na ta, nâmo châ sysai hapa Babylaw bei pheisaihzy ku liata ei hlâ aw ei.

ZEREMIAH 34:4

Chatahrasala Hy Zudâh bei Zedekia y, Abeipa bie he thei mah y! Nâma kyh liata Abeipa ta hetana heta a tah: Zaozi ta thi aw va chi.

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 38:18

Babylaw bei beimachâzy liata nâ hlâ leipa khiahta deikua cha, khihpi he Kaldia mo ku liata hlâpa châ aw ta, mei ta rao aw ei ta, ama ku tawhta pua cheita aw va chi,” tah ta.

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:15

Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?

EZEKIA 17:16

“‘Ei hrona reipa ta ei reih. Bei a pachâsapa abei pahrâna su Babylaw lâ sie aw ta, a bietai a papeisa leipa nata a biehrai a paraopa bei yna Babylaw râh liata a thi aw, Abeipa Zehôvâh ta a tah.

EZEKIA 21:25

Hy Izarei bei puapa nata moleipa y, na noh vaw tlô ha ta, nâma hrie pachie nawpa daihti a vaw tlô haw.