ZEREMIAH 34:18 - Mara Bible RV (BSI)

¹⁸ Ei biehrai paraopa ta, biehrai ta â hnawpa hawhta tao awpa ta ei hmiakô liata bie amâ taihpa a paraopazy cha, viahchaotaw bo no ta taipa hawhta ei tao aw ei. Âmosasyh ta chhie a sa khâhpa ta, viahchaotaw bo no ta taipa likawh liata ama siepahliepa a châ.

ZEREMIAH 34:18 ပူးပေါင်းရင်းမြစ်များ

ÂTHAONA 15:10

Cha zydua cha Abeipa lâta cheih ta, Abarâ ta â khophie liata su no ta patlaw chyu ta, a tlaw hiakha cha a tlaw hiakha lâ dady lymâ ta soh ta. Pavawzy deikua cha patlaw vei.

ÂTHAONA 15:8

Abarâ ta, “Hy Abeipa Zehôvâh, he râh he ei hnei aw tahpa kheihta ei pahno thei aw?” tah ta.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HÔSIA 6:7

Âdâh hawhta biehraina parao ei ta, Cha liata eina dôvei ei.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

RAWMA 2:8

Âmo pha nawpa sai tluapa ta, biehmeiseihpa zyh leipa ta, sialeina a zyhtuhpazy chô lia deikua cha, pathiiana nata hiehâhna a y aw.

RYHPACHANEINA 17:2

“Abeipa nama Khazohpa ta a cha piepa ei nama yna khih liata a y hrapa chapaw tlyma, chanô tlyma ta a biehrai paraopa ta, Abeipa nama Khazohpa mohmô ta moleina hmo tao sala,

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

ZAWSUA 7:11

Izarei ta hmo a parao haw. Ama hnohta bie ei piepa, ei biehrai parao ei ta, pahleipadia awpa hmo thokha amâ la haw. Hmo paru ei ta, haipa bie reih ei ta, ama parupazy cha ama hmo hry liata ama nyu.