ZEREMIAH 34:16 - Mara Bible RV (BSI)

¹⁶ Châhrasala a ngiapachhi ei chi ta, âmo khotlyna tlai ta khotalaina pie ei chi ta nama papuasa hapa nama seichapawzy nata nama seichanôzy la pakhua heihpa ta, nama biehneina ry liata seizy ta tao heih ei chi ta, ei moh nama papuapalei haw.

ZEREMIAH 34:16 ပူးပေါင်းရင်းမြစ်များ

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

ZEREMIAH 34:11

Châhrasala hnôhlâ ta a ngiapachhi ei ta, seichapaw nata seichanô ama papua hapazy cha la pakhua heih ei ta, ama biehneina ry liata sei ta ama tao ha heih.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

EZEKIA 3:20

“Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

EZEKIA 39:7

“Ei phopi Izarei hry liata ei moh pathaihpa palâsa aw na ta, ei moh pathaihpa papuapalei heih awpa pasaih khao aw va na. Chatanachata phopizy ta kei he Abeipa, Izarei Mo Pathaihpa ei châ tahpa ama pahno aw.

THEIHTHAINA 19:12

Ei moh ta haipa ta bie a taihpa ta, na Khazohpa moh na papuapalei awpa châ vei. Kei he Abeipa ei châ.

MALAKHAI 1:12

“Châhrasala nâmo ta, ‘Abeipa tlâhkhai cha papuapaleipa châ ta, cha liata theilâpa nata niepazy chhao khâpasaw ta rei lei theipa a châ,’ nama tahpa liata ei moh cha nama papuapalei tyh.

MALAKHAI 1:7

Ei maisâh liata viahchhâ papuapalei chiehpa nama hlâ tyhpa liata ei moh nama pachhie tyh. Châhrasala nâmo ta, ‘Kheihta ma eima cha papuapalei?’ nama tah. ‘Abeipa tlâhkhai cha reipachhie theipa a châ thlâh ha bao na,’ nama tahpa liata eina papuapalei ei chi

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.