ZEREMIAH 33:9 - Mara Bible RV (BSI)

⁹ Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 33:9 ပူးပေါင်းရင်းမြစ်များ

2 THÂTIHZYRONA 20:29

Abeipa ta Izarei chariahzy â dyuh tahpa ama thei nahta, alei chô liata khinarâh zydua Khazohpa china ta patu khai ha ta.

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

ESTHERI 8:17

Abei biepiepa nata abei châpapuapa tlôna râh to nata khihpi to liata Zuzy cha thaphana nata alyna ta ama bie. Kyhchhizy taopa ta, apahâna nohzy phuah ei ta. Cha râh liata a ypa phopizy hry tawhta chyhsa hluhpi cha, Zuzy china ta a tla thlupa vâ ei ta, Zu chyhsa lâta amâ palie hôlô.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 40:3

Hla thiehpa ei pakah liata soh ta, Eima Khazohpa reithaina hla cha; Chyhsa hluhpi ta hmôpa ta chi aw ei ta, Abeipa liata ngâna ama pahnieh aw.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ISAI 55:13

Ahloh vyuhpa ta meisah vyhpa pyuh aw ta, Diahsai vyuhpa ta mytlia kô a pyuh aw. Cha cha Abeipa moh pha nawpa châta châ aw ta, Chhawh pathlahpa ta y beih leipa aw ta, Tlyzaw châta ngiana ta a y lymâ aw.”

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ISAI 62:1

A siana cha khaihna hawhta pua sala, A pachhana meiôh khaihpa hawhta a papua hlâlei cha, Zaio vâta a thlih thlâh ha leipa aw na ta, Zerusale vâta a chalih aw va na.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ISAI 62:7

Zerusale paduapathi sala, Alei chô liata reithai tlâhpa ta a tao hlâlei cha, Abeipa cha pay molosa khuh vy.

ISAI 64:2

Mei ta thopahrei kâ ta, Mei ta ti a patlaosapa hawhta, Na khakhaipazy ta na moh pahno ei sala, Phopizy na hmiakô liata amâ chalyu mawh sala eima tah kaw dia!

ZEREMIAH 13:11

Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 24:6

Ama pha nawpa ta ama chô liata ei mo tawpâ aw ei na ta, he râh lâ he ei vaw chhi pakhua heih aw ei. Âmo cha padua aw ei na ta, phie khao aw veih ei na; loh aw ei na ta, phia khao aw veih ei na.

ZEREMIAH 26:6

he o he Silô hawhta tao aw na ta, he khihpi he alei chô liata phopi zydua châta chhiesana ta ei tao aw.’”

ZEREMIAH 29:1

He he Nebukaneza ta Zerusale tawhta Babylaw lâ sei ta â chhipazy hry liata a hrohpa ta a ypa machâzy, theihthaipazy, hrohsopazy nata zawpi zydua hnohta hrohsopa Zeremiah ta châ a paphaopa liata a ropa biezy a châ.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 31:14

Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.

ZEREMIAH 31:4

Hy Izarei laihsa kôpa! Cha padua pathi heih aw na ta, Â ipa ta paduapa na châ aw. Khohzy ta a tobi heih aw chi ta, Thaphana noh lâna suzy liata nâ hlao aw.

ZEREMIAH 32:42

“Abeipa ta hetana heta a tah: He phopi chô liata chhiena rarôh ypa ei patlôsapa hawhna khata, ama hnohta hmo phapa bie ei taihpa zydua chhao kha ei patlôsa aw.

ZEREMIAH 33:14

“Pachâ teh, Izarei pathlazy nata Zudâh pathlazy hnohta bie ei taihpa ei patlô nawpa nohzy a vaw tlô hai,” Abeipa ta a tah.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 49:25

Kheihta ma khihpi moh pathâhpa cha, Siesaipa châ leipa ta; Ei lyna khihpi cha, Siesaipa a châ vei tly?

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

EZEKIA 36:35

Chatanachata, ‘He râh, roryhrapa ta a y hapa râh he, Idâh sadô hawhta vaw châ ha ta, khihpi rypa nata roryhrapa nata a rao hapazy cha chyhsa pahrâna thokhy khihpizy ama vaw châ ha heih,’ ama tah awh.

EZEKIA 39:13

Râh chyhsa zydua ta âmo cha pabu aw ei ta, ei rônahna ei palâsana noh cha ama moh pathâhna noh a châ aw, Abeipa Zehôvâh ta a tah.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ZEKARIA 1:17

‘Kei awh via heih teh, Pheisaihzy Abeipa ta hetana heta a tah: Ei khihpizy cha sivâphana ta khô pathlah heih aw ta, Abeipa ta Zaio cha thlah palôh heih aw ta, Zerusale â tlyh heih aw.’”

ZEKARIA 12:2

“Moh teh u, Zerusale cha a chheipâh liata phopi zydua châta parina nyu ta tao aw na ta, Zerusale dôhna liata Zudâh chhao dôh pâpa a châ aw.

RYHPACHANEINA 30:5

Châ pathlatuhpazy râh hneipa lâ Abeipa nama Khazohpa ta châ chhi heih aw ei ta, cha râh cha nama hnei aw. Châ pathlatuhpazy hlâta Abeipa ta nâmo byhnâ cha pie via aw ei ta, a cha papôhsa via aw ei.