ZEREMIAH 33:8 - Mara Bible RV (BSI)

⁸ Ei chô liata ama moleina thaileichâna zydua tawhta pathaisa aw ei na ta, ei chô liata ama moleina thaileichâna zydua a ngiahthai aw ei na ta, einâ dyuhna zydua chhao ei kha ei ngiahthai aw ei.

ZEREMIAH 33:8 ပူးပေါင်းရင်းမြစ်များ

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 130:8

Izarei cha pachha aw ta, A moleina zydua tawhta a pachha aw.

HLAZY 51:2

Ei paraona tawhta liahsa na pasi la, Ei moleina tawhta na pathaisa mah y!

HLAZY 65:3

Moleina ta miah a pahnie tita, Eima paraonazy vâta chatlaina miah na taopa tyh.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 50:20

Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 36:33

“Abeipa Zehôvâh ta hetana heta a tah: Nama paraona zydua tawhta ei cha pathaisana noh liata, khihpizy cha chyhsa pahrâna ta tao aw na ta, su rypazy paduapathipa a châ aw.

ZÔELA 3:21

Ama thisaih phuh ei la mâh leipazy cha, Ama thisaih phuh ei la lymâ aw, Abeipa cha Zaio liata pahrâ tlôh ta.”

THEIHTHAINA 16:30

Cha noh liata, nâmo pathaisa awpa ta nama chatlaina taopa châ aw ta, chatanachata Abeipa hmiakô liata nama moleina zydua tawhta nama pathaih aw.

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,