ZEREMIAH 33:18 - Mara Bible RV (BSI)

¹⁸ Livai chizy chhao ei mohmô liata raopa hlânazy a hlâ awpa, niepa hlânazy a rao awpa nata atheihnazy a hlâ lymâ awpa theihthaipa a phahla aw veih ei.”

ZEREMIAH 33:18 ပူးပေါင်းရင်းမြစ်များ

EZRÂ 3:5

Cha khai tawhta, raopa hlâna hlâ tyhpazy, thla thieh atheihna hlâ tyhpazy, Abeipa kyhchhi raopa zydua liata atheihna hlâ tyhpazy nata Abeipa lâta lôhthai hmohlâpazy ama hlâ tyh.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ZEREMIAH 33:19

Abeipa bie Zeremiah hnohta vaw tlô ta:

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

ZEREMIAH 35:19

Pheisaihzy Abeipa, Izarei Khazohpa ta hetana heta a tah: Rekhâ sawchapawpa Zônadâ cha, a pathlazy hry tawhta ei hmiakô liata a duah awpa chyhsa a phahla beih aw vei.”

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

EZEKIA 45:5

A su hropa khophie cha, Achhyna o liata a chakaopa Livai chizy châta châ aw ta, a doh lâ dy 25,000, a hâ lâ dy 10,000 a châ aw. Cha cha Livai chizy ta ama tovyuh châta ama hnei awpa khihpizy a châ aw.

MALUHREINA 3:5

Abeipa ta Mawsi chho ta,

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

RYHPACHANEINA 18:1

“Theihthaipa chi Livai pathla zydua cha, Izarei sawzy hry liata tovyuh nata ryuto ama hnei hra awpa châ vei. Abeipa lâta mei ta hmohlâpazy ama nie awpa châ ta, cha cha ama ryuto a châ.

RYHPACHANEINA 24:8

“Phawhpa hri kyh liata, pakhâta ta tao aw ei chi ta, theihthaipa Livai chizy ta ama cha chhopa hawhta nama tao aw. Ama hnohta bie ei piepa hawhta, a sohsi ngaitapa ta nama tao aw.

ZAWSUA 3:3

Zawpizy cha biepie ei ta, ama hnohta, “Theihthaipa Livai chizy ta Abeipa nama Khazohpa Biehrai Byh amâ sypa nama hmôpa nahta, nama yna su tawhta a pasie aw ei chi ta, Byh cha nama pazi aw.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.